«جاقىنىڭا جاناشىر بول!» دەگەن جاقسى باستاماعا جەتىسۋ جۇرتىنىڭ ءبىر كىسىدەي جۇمىلىپ ۇلەس قوسىپ جاتقانىن بۇعان دەيىن دە جازعان ەدىك. وسى يگى ءۇردىس ءالى دە جالعاسۋدا, - دەپ حابارلايدى Egemen.kz.
اسىرەسە قالتالى ازاماتتار تاراپىنان مەديتسينالىق قۇرال-جابدىق پەن قاجەتتى زاتتار ساتىپ الىپ, اۋرۋحانالارعا تەگىن تاراتۋ داستۇرگە اينالعانداي. بۇل جولى قايىرىم ەستافەتاسىن الاكول اۋدانىنىڭ جەكە كاسىپكەرلەرى جالعادى. ماسەلەن «ىرىس» شارۋا قوجالىعى مەن «ايمانبەتوۆ» جەكە كاسىپكەرلىگىنىڭ يەسى رىسكەلدى ايمانبەتوۆ اۋداندىق اۋرۋحاناعا جالپى قۇنى 5 ميلليون تۇراتىن 20 جاساندى تىنىس الۋ اپپاراتىن سىيعا تارتتى.بۇل جابدىق اۋادان وتتەگى جاساپ, ناۋقاستاردىڭ تىنىس الۋىنا كومەكتەسەدى. كاسىپكەر بۇل اپپاراتتاردى قىتاي ەلىنە تاپسىرىس بەرىپ الدىرعان.
"يگى باستاماعا ۇلەس قوسقان رىسكەلدى قابي ۇلىنا اۋدان تۇرعىندارى اتىنان العىس ايتامىن. جومارت جۇرەكتى ازامات وسىعان دەيىن دە اۋرۋحانادا جاتقان ناۋقاستارعا قولداۋ ءبىلدىرىپ, 5 جاساندى تىنىس الۋ اپپاراتىن تارتۋ ەتكەن بولاتىن. بۇل اپپاراتتار ىندەتكە شالدىققان ناۋقاستارعا كومەگىن تيگىزۋدە", - دەيدى الاكول اۋدانىنىڭ اكىمى الىبەك جاقانباەۆ.
قازاقستانداعى جانە الەمدەگى سوڭعى جاڭالىقتاردى ءبىرىنشى بولىپ وقۋ ۇشىن Telegram جەلىسىندە بىزگە جازىلىڭىز.