قازاقستان فۋتبول فەدەراتسياسىنىڭ پرەزيدەنتى ەۋروكۋبوك ويىندارىنا قاتىساتىن كوماندالارعا ۇندەۋ جاسادى. بۇل تۋرالى قازاقستان فۋتبول فەدەراتسياسىنىڭ ءباسپاسوز قىزمەتى مالىمدەدى, - دەپ حابارلايدى Egemen.kz.
"قايرات", "ورداباسى" جانە "قايسار" فۋتبول كلۋبتارى قازاقستاندىق فۋتبول جانكۇيەرلەرىنە قۋانىش سىيلايدى دەپ ۇمىتتەنەمىن. نۇر-سۇلتان, الماتى جانە شىمكەنت قالاسىنىڭ قارسىلاستارى وڭاي دەپ ايتۋعا بولمايدى. ءبىزدىڭ فۋتبولشىلار جەڭىس ءۇشىن بار كۇش-جىگەرىن سالادى دەپ ۇمىتتەنەمىن. ەۋروپا ليگاسىندا العاشقى ويىنىن وتكىزەتىن قىزىلوردالىق "قايساردىڭ" ورنى بولەك. قىزىلوردا فۋتبولشىلارى حالىقارالىق ارەنانىڭ ويىندارىنا تىڭعىلىقتى دايىندىق جۇرگىزۋدە. بارشا قازاقستاندىق فۋتبول كلۋبتارىنا جاقسى ويىن مەن وڭ ناتيجە تىلەيمىن!" - دەدى ول.
ايتا كەتەيىك, "استانا" فۋتبول كومانداسى ۋەفا چەمپيوندار ليگاسىنىڭ ىرىكتەۋ كەزەڭى اياسىندا "دينامو-برەست" (بەلارۋس) كومانداسىمەن كەزدەسىپ, 6:3 ەسەبىمەن ۇتىلدى.
قازاقستانداعى جانە الەمدەگى سوڭعى جاڭالىقتاردى ءبىرىنشى بولىپ وقۋ ۇشىن Telegram جەلىسىندە بىزگە جازىلىڭىز.