سىبايلاس جەمقورلىققا قارسى ءىس-قيمىل دەپارتامەنتى مەن قالالىق اكىمدىك بىرلەسىپ, ەرەكشە باستامانى قولعا الىپ وتىر. وتكەن اپتادا قالاداعى كوپقاباتتى تۇرعىن ۇيلەردىڭ سىرتقى قابىرعالارىنا ءابۋ ناسىر ءال-فارابي, ىبىراي التىنسارين, شوقان ءۋاليحانوۆ, سۇلتان بايماعامبەتوۆ سياقتى تاريحي تۇلعالاردىڭ الىپ بەينەلەرى ىلىنە باستادى.
ۇيىمداستىرۋشىلاردىڭ ايتۋىنشا, ءزاۋلىم ۇيلەردىڭ سىرت قابىرعالارىنا ىلىنگەن الىپ مۋرالدار قالانىڭ اجارىن اشا تۇسۋمەن قاتار, تۇرعىنداردىڭ جۇرەگىنە ەرەكشە جىلۋ ۇيالاتىپ, وتانعا دەگەن سۇيىسپەنشىلىككە ۇندەيدى.
«بۇگىندە وسكەلەڭ ۇرپاقتىڭ بويىنا ادالدىق, ادىلدىك پەن پاراسات جانە وتانسۇيگىشتىك سياقتى اسىل قاسيەتتەردى ءسىڭىرۋ – سىبايلاس جەمقورلىققا قارسى ءىس-قيمىل اگەنتتىگى قىزمەتىنىڭ نەگىزگى باعىتتارىنىڭ ءبىرى بولىپ وتىر. بيىل ەلىمىزدە شوقان ءۋاليحانوۆتىڭ 185 جىلدىق مەرەيتويى اتالىپ وتىلۋدە. اتاۋلى مەرەكەگە ءبىز ءوز ۇلەسىمىزدى وسىلايشا قوسقىمىز كەلدى. قازىرگى قوعام سىبايلاس جەمقورلىق سياقتى الەۋمەتتىك دەرتتى تەك بىرلەسە وتىرىپ جەڭە الاتىنىن ءتۇسىنۋى كەرەك. سوندىقتان بۇل باستامانىڭ قالا تۇرعىندارىنا تيگىزەر تاربيەلىك ءمانى زور دەگەن ويدامىز», – دەدى سىبايلاس جەمقورلىققا قارسى قىزمەت باسشىسى قۋانىش بەكباسوۆ.
قوستاناي