17 تامىزدا قورعانىس مينيسترلىگىندە ۆەدومستۆو باسشىسى, گەنەرال-لەيتەنانت نۇرلان ەرمەكباەۆتىڭ توراعالىعىمەن كەزەكتى اپپاراتتىق كەڭەس ءوتتى.
ءار اپتاداعى داستۇرگە سايكەس كۇن تارتىبىندەگى باستى ماسەلەلەردىڭ ءبىرى قازاقستان قارۋلى كۇشتەرىنىڭ جاۋىنگەرلىك ازىرلىگىن ارتتىرۋ بولدى. وسى جىلدىڭ قىركۇيەك پەن قازان ايلارىنا جوسپارلانعان وقۋ-جاتتىعۋلارعا بايلانىستى باس شتاب پەن باس قولباسشى, سونىمەن قاتار قولباسشىلار بىرىڭعاي كەشەندى ستراتەگيالىق مىندەت شەڭبەرىندە ءىس-شارالاردى ورىنداۋدى جالعاستىرۋى قاجەت.
قورعانىس ءمينيسترى الداعى وقۋ-جاتتىعۋلارعا جان-جاقتى دايىندىقتى ۇيىمداستىرىپ, قاۋىپسىزدىك شارالارىن ساقتاۋعا جانە تارتىلاتىن بولىمشەلەردى ۇيلەستىرۋ كەزىندە باسقارۋدى ارتتىرۋعا, باسشىلىق اپپاراتتىڭ ادىستەمەلىك دايىندىعىنا, وق-دارىلەر مەن قارۋ-جاراق, تەحنيكالاردىڭ جارامدىلىعىن تەكسەرۋگە ەرەكشە نازار اۋدارۋدى تاپسىردى.
«جاۋىنگەرلىك دايارلىقتا ۆزۆودتار مەن روتالىق تاكتيكالىق توپتاردى ۇيلەستىرۋدىڭ ساپالى جۇرگىزىلۋىنە نازار اۋدارىلسىن. جەكە قۇرامنىڭ تاكتيكالىق وقۋ-جاتتىعۋلار مەن اتىستاردى وتكىزۋ كەزىندە قاۋىپسىزدىك شارالارىن قاتاڭ ساقتاۋىن قامتاماسىز ەتسىن», – دەپ اتاپ ءوتتى نۇرلان ەرمەكباەۆ.
سونداي-اق 25-28 تامىزدا كوماندالىق-شتابتىق وقۋ-جاتتىعۋعا بايلانىستى اسكەري-تەڭىز كۇشتەرىنىڭ باس قولباسشىسى كاسپيدەگى كەمە قاتىناسى مەن تەڭىزدەگى ەكونوميكالىق قىزمەت نىساندارىنىڭ قاۋىپسىزدىگىن قامتاماسىز ەتۋ, تەڭىزدە قۇتقارۋ ءىس-شارالارىن جۇرگىزۋ ماسەلەلەرىن ءىس جۇزىندە پىسىقتاۋى قاجەت.
اسكەري قىزمەتشىلەردىڭ بارلىق ساناتتارى ءۇشىن ءارتۇرلى تاقىرىپتار بويىنشا دارىستەر, پرەزەنتاتسيالار جانە پراكتيكالىق ساباقتار تۇرىندە ۇسىنىلعان وقۋ مودۋلدەرىن جەتىلدىرۋ بويىنشا جۇمىس جالعاسۋدا. اسكەري قىزمەتشىلەردىڭ ساۋاتتىلىعىن ارتتىرۋدىڭ جاڭا نىسانىن ءتۇرلى جاعدايلاردا ارەكەت ەتۋ قابىلەتىن اسكەري قىزمەتشىلەر وڭ قابىلداۋدا.
وقۋ مودۋلدەرىنە سۋرەتتەلگەن ءىس-ارەكەتتەر تۇرىندەگى سيتۋاتسيالىق كەيستەر (ومىردەن الىنعان مىسالدار) قوسا بەرىلەدى, وندا ناقتى جاعدايلاردىڭ مىسالىندا سەبەپ-سالدار بويىنشا بايلانىستار مەن اسكەري قىزمەتشىلەردىڭ ءىس-ارەكەتتەرىنىڭ دۇرىستىعىن باعالاۋ, ولاردىڭ قاتەلىكتەرى مەن جاسالۋى, سونداي-اق قورىتىندىلارى دا قارالادى. اتالعان كەيستەر اسكەري قىزمەتشىلەردىڭ سىني تۇرعىدان ويلاۋىن دامىتۋعا جانە ستاندارتتى ەمەس جاعدايلاردا ارەكەت ەتۋگە, توتەنشە جاعدايلاردىڭ الدىن الۋعا باعىتتالعان.
باس قولباسشىلار مەن قولباسشىلاردىڭ كۇشتەرى ءارتۇرلى مىسالدار نەگىزىندە, جاعدايلارعا بايلانىستى شەتەلدىك تاجىريبەلەرمەن تولىقتىرىلادى.
قازىرگى تاڭدا اسكەري بولىمدەردە اسكەري وقۋ ورىندارى مەن كادەت كورپۋسىنىڭ تۇلەكتەرىمەن جيىندار ءجۇرىپ جاتىر. قورعانىس ۆەدومستۆوسىنىڭ باسشىسى ولاردى بەيىمدەپ, تەز ارادا قاتارعا قوسۋ ءۇشىن ءتيىستى جاعداي جاساۋدى, بارلىق ۇلەس تۇرلەرىمەن قامتاماسىز ەتۋدى, ولارعا لاۋازىمعا ورنالاسۋ ءۇشىن تالىمگەرلەردى بەكىتۋدى تاپسىردى.
قالىپتاسقان ەپيدەميالىق جاعدايعا بايلانىستى ءارتۇرلى ساناتتاعى مەديتسينالىق ماماندارعا قاجەتتىلىك ارتتى. اسكەري-مەديتسينالىق مامانداردىڭ قىزمەتىن نەعۇرلىم ۇتىمدى ۇيلەستىرۋ ءۇشىن ولاردى روتاتسيالاۋ جۇزەگە اسىرىلاتىن بولادى.
بۇدان بولەك, اپپاراتتىق كەڭەس بارىسىندا اسكەري-اۋە كەمەلەرىنىڭ اۆيا تۇراق ماسەلەلەرى تالقىلاندى. وڭىرلىك قولباسشىلىقتاردىڭ, دەسانتتىق-شابۋىلداۋ اسكەرلەرىنىڭ, اسكەري-اۋە كۇشتەرىنىڭ جانە اۋە شابۋىلىنا قارسى قورعانىستىڭ جەدەل اقپاراتى تىڭدالدى.
مەرزىمدى اسكەري قىزمەتكە شاقىرۋ شەڭبەرىندە جەرگىلىكتى اسكەري باسقارۋ ورگاندارى مەن جەرگىلىكتى اتقارۋشى ورگانداردىڭ فۋنكتسيالارىنىڭ اراجىگىن اجىراتۋ ماسەلەسى دە نازاردان تىس قالمادى. قورعانىس ۆەدومستۆوسى جۇرگىزىلگەن جۇمىستىڭ قورىتىندىسى بويىنشا قولدانىستاعى نورماتيۆتىك-قۇقىقتىق اكتىلەرگە تۇزەتۋلەر ەنگىزۋگە باستاما جاسايتىن بولادى.