مامىر ايىنان باستاپ تۇركىستان وبلىسىندا 460 ينفراقۇرىلىمدىق جوبا ىسكە اسىرىلۋدا. جۇمىسپەن قامتۋ ورتالىعى ەكى قولعا ءبىر كۇرەك تاپپاي جۇرگەن ازاماتتارعا كومەكتەسۋگە دايىن. بۇل تۋرالى Egemen.kz وبلىس اكىمدىگىنىڭ ءباسپاسوز قىزمەتىنە سىلتەمە جاساپ حابارلايدى.
«جۇمىسپەن قامتۋدىڭ جول كارتاسى» شەڭبەرىندە قولعا الىنعان جوبا اياسىندا 11 مىڭنان استام جاڭا جۇمىس ورنى اشىلعان. ناتيجەسىندە 10 313 ادام ەڭبەكپەن قامتىلدى. ەڭ تومەنگى جالاقى - 85 مىڭ تەڭگە. ەڭ كوپ جۇمىس ورىندارى – قۇرىلىس سالاسىندا.
وبلىستىق جۇمىسپەن قامتۋدى ۇيلەستىرۋ جانە الەۋمەتتىك باعدارلامالار باسقارماسىنىڭ مالىمەتىنشە, جۇمىسپەن قامتۋ ورتالىقتارى ارقىلى بوس جۇرگەن ازاماتتاردى جۇمىسقا ورنالاستىرۋ قاراستىرىلعان. مەملەكەتتىك باعدارلامانىڭ ماقساتى - جۇمىسسىزدىق دەڭگەيىن تومەندەتىپ, حالىقتىڭ تابىسىن ارتتىرۋ.
جىل سوڭىنا دەيىن تۇركىستان قالاسىنىڭ وزىندە 48 ينفراقۇرىلىمدىق جوبالار جۇزەگە اسادى. ولاردىڭ باسىم بولىگى قالاعا اۋىز سۋ, گاز, ەلەكتر جۇيەلەرىن تارتۋعا باعىتتالعان. اتقارىلعان جۇمىستاردىڭ ناتيجەسىندە اۋدان, قالالاردا ورنالاسقان 100-گە جۋىق مەكتەپتە سانيتارلىق توراپتار رەتكە كەلتىرىلەدى. 100 شاقىرىمداي جول جوندەلىپ, مەملەكەتتىك جانە الەۋمەتتىك مەكەمەلەردىڭ عيماراتتارىندا پاندۋستار ورناتىلادى.
كارانتين كەزىندە جۇمىس بەرۋشىلەر تاراپىنان قاجەتتى سانيتارلىق–ەپيدەميولوگيالىق تالاپتار ساقتالىنىپ, قىزمەتكەرلەر جەكە قاۋىپسىزدىك قۇرالدارىمەن تولىق قامتاماسىز ەتىلگەن. الداعى ۋاقىتتا ينفراقۇرىلىمدىق جوبالاردى ىسكە اسىرۋ بارىسىندا 24 925 ۋاقىتشا جۇمىس ورىندارى مەن 2000-نان استام تۇراقتى جۇمىس ورىندارىن قۇرۋ جوسپارلانعان.
قازاقستانداعى جانە الەمدەگى سوڭعى جاڭالىقتاردى ءبىرىنشى بولىپ وقۋ ۇشىن Telegram جەلىسىندە بىزگە جازىلىڭىز.