تۇركىستان وبلىسىنىڭ اكىمى ومىرزاق شوكەەۆ ماقتاارال اۋدانىنداعى قۇرىلىس ساپاسىن قاتاڭ باقىلاي وتىرىپ, كەزەكتى رەت اتقارىلىپ جاتقان جۇمىستارمەن تانىستى. ءوڭىر باسشىسى ورگەباس, فيرداۋسي اۋىلدارىن قالپىنا كەلتىرۋ جۇمىستارىنىڭ بارىسىن باقىلاپ, تۇرعىندارىمەن كەزدەستى, - دەپ حابارلايدى Egemen.kz وبلىس اكىمىنىڭ ءباسپاسوز قىزمەتىنە سىلتەمە جاساپ.
ماقتاارال اۋدانىنداعى جاعداي العاشقى كۇننەن مەملەكەت نازارىندا ەكەنى ءمالىم. سۋ تاسقىنى سالدارىن جويىپ, اۋداننىڭ كۇندەلىكتى تىرشىلىگىن قايتا قالپىنا كەلتىرۋ ءۇشىن قاجەتتى شارالار قابىلدانىپ, قيراعان ۇيلەردىڭ ورنىنا جاڭا تۇرعىن ۇيلەر سالىنۋدا.
4 مىڭداي حالىق مەكەن ەتكەن ەكى ەلدى مەكەندەگى 500-دەن استام باسپانا تولىعىمەن بۇزىلىپ, قايتا سالىنىپ جاتىر. سۋ باسۋدىڭ سالدارىنان زارداپ شەككەن ءار ءۇيدىڭ قۇرىلىسىنا مەملەكەتتەن 17 ملن تەڭگە بولىنگەن. تۇرعىندار ونى 4 ءبولىپ الۋدا. قۇرىلىسى ءجۇرىپ جاتقان ۇيلەردىڭ قابىرعالارى قالانىپ, شاتىرى جابىلىپ جاتىر. ەكى اۋىلعا 2 مىڭعا جۋىق جۇمىسشى جۇمىلدىرىلعان. الەۋمەتتىك نىساندار جوندەلىپ, ينفاقۇرىلىم قالپىنا كەلتىرىلۋدە. اسفالت توسەۋ جۇمىستارى ەلدى مەكەندەگى تۇرعىن ۇيلەردىڭ قۇرىلىسىنان كەيىن جۇرگىزىلمەك.
قازاقستانداعى جانە الەمدەگى سوڭعى جاڭالىقتاردى ءبىرىنشى بولىپ وقۋ ۇشىن Telegram جەلىسىندە بىزگە جازىلىڭىز.