«حالىق ۇنىنە قۇلاق اساتىن مەملەكەت»تۇجىرىمداماسىن ىسكە اسىرۋ اياسىندا پرەمەر-ءمينيستردىڭ ورىنباسارى ە. توعجانوۆ ەلوردالىق سىبايلاس جەمقورلىققا قارسى ءىس-قيمىل دەپارتامەنتى جانىنداعى «Antikor ortalygy» سەرۆيستىك ورتالىعىنىڭ جۇمىسىمەن تانىستى. ءىس-شاراعا قر ەڭبەك جانە حالىقتى الەۋمەتتىك قورعاۋمينيسترى ب. نۇرىمبەتوۆ, نۇر-سۇلتان قالاسىاكىمىنىڭ ورىنباسارى ب. ماكەن جانە اگەنتتىكتوراعاسى ا. شپەكباەۆ قاتىستى.
ورتالىقتىڭ قىزمەتى سىبايلاس جەمقورلىققا قارسى قىزمەتتىڭ قوعاممەن ءوزارا ارەكەتتەسۋىنە جانە حالىقپەن ءتيىمدى كەرى بايلانىستى قامتاماسىز ەتۋگە ارنالعان الاڭ رەتىندە قۇرىلعان. دەلەگاتسيا دەپارتامەنت قىزمەتكەرلەرىنىڭ قابىرعالارى اينەكتى كابينەتتەرىنە بارىپ, مۇنداي امالدار ترانسپارەنتتىلىك پەن سەنىمدىلىكتىڭ قولايلى جاعدايىن تۋدىراتىنىنا نازار اۋداردى.
قوناقتارعا نەگىزگى ماقساتى تۇرمىستىق سىبايلاس جەمقورلىقتى جويۋ, مەملەكەتتىك قىزمەتتەردى الۋ كەزىندە قولايلى جاعداي جاساۋ جانە قوعامدىق باقىلاۋ قۇرالدارىن ءتيىمدى ىسكە اسىرۋدى قامتاماسىز ەتۋ بولىپ تابىلاتىن «استانا – ادالدىق الاڭى» جوباسى اياسىندا جۇزەگە اسىرىلىپ جاتقان باستامالار تانىستىرىلدى.
سونداي-اق, مەملەكەتتىك مەكەمەلەردىڭ بيۋدجەت قاراجاتىنىڭ جۇمسالۋىن ونلاين رەجيمدە قوعامدىق باقىلاۋ مۇمكىندىگىن قامتاماسىز ەتەتىن «اشىق بيۋدجەتتەردىڭ ينتەراكتيۆتى كارتاسى»جوباسى ۇسىنىلدى.
دەپارتامەنت قىزمەتكەرلەرى كارانتين جاعدايىندا حالىقپەن جەدەل ءوزارا ارەكەتتەسۋگە مۇمكىندىك بەرگەن «Antikor.Live» تىكەلەي ەفيرلەرىمەن بريفينگتەرى تۋرالى ايتىپ ءوتتى.
سىبايلاس جەمقورلىققا قارسى قىزمەتتىڭ اقپاراتتىق-اعارتۋشىلىق شتابىنىڭ جەتەكشىسى ىرزا تۇرسىنزادا قوعامدا سىبايلاس جەمقورلىققا قارسى كوزقاراستى قالىپتاستىرۋ, پاراساتتىلىق پەن ادالدىق قاعيداتتارىن ناسيحاتتاۋ بويىنشا شتابتىڭ جۇرگىزىپ جاتقان جۇمىسى تۋرالى اقپاراتپەن ءبولىستى.
كەزدەسۋ قورىتىندىسى بويىنشا ەرالى توعجانوۆ سىبايلاس جەمقورلىققا قارسى ۆەدومستۆونىڭ اشىقتىق پەن ايقىندىقتى قامتاماسىز ەتۋدەگى, قوعاممەن سىندارلى ىنتىماقتاستىقتاعى جۇمىسىنا وڭ باعا بەردى.
اتالعان تاجىريبەنى ءتۇرلى اقپاراتتىق الاڭداردا كەڭىنەن جاريالاپ, باسقا مەملەكەتتىك ورگانداردىڭ جۇمىسىنا ەنگىزۋ كەرەكتىگىن اتاپ ءوتتى.