سيدزۋوكا پرەفەكتۋراسىنىڭ حاماماتسۋ قالاسىنىڭ ورتالىعىندا تەرمومەتر باعانى +41,1 گرادۋسقا دەيىن كوتەرىلدى. بۇل تۋرالى Egemen.kz كيودو اقپاراتتىق اگەنتتىگىنە سىلتەمە جاساپ حابارلايدى.
تامىز ايىندا جاپونيادا ىستىق اۋا رايى باستالادى. توكيودا قازىرگى ۋاقىتتا تەمپەراتۋرا 35 گرادۋسقا جەتەدى. سينوپتيكتەر الداعى كۇندەرى ىستىق اۋا رايى جالعاساتىنىن ايتادى. جاپونيانىڭ جەرگىلىكتى بيلىگى تۇرعىنداردى جىلۋ سوققىسى قاۋپىنەن قورعانۋعا شاقىردى.
جاپون مەتەورولوگيالىق قىزمەتىنىڭ حابارلاۋىنشا, ءدال وسىنداي جوعارى تەمپەراتۋرا سايتاما پرەفەكتۋراسىنىڭ كۋماگايا قالاسىندا 2018 جىلدىڭ 23 شىلدەسىندە تىركەلگەن.
وتكەن جىلى اپتاپ ىستىقتىڭ سالدارىنان 70 000-نان استام ادام اۋرۋحاناعا ءتۇسىپ, ولاردىڭ 126-سى قايتىس بولعان ەدى.