وبلىستىق تۋبەركۋلەزگە قارسى كۇرەس ديسپانسەرى ديرەكتورىنىڭ مىندەتىن اتقارۋشى سەرىك ابىشەۆتىڭ اقپاراتىنا قاراعاندا, بيىلعى 7 ايدا تۋبەركۋلەزبەن 193 ادام اۋىرعانى انىقتالىپتى. ال, بىلتىر وسىنداي مەزگىلدە 225 ناۋقاس تۋبەركۋلەز دەرتىمەن تىركەلگەن ەكەن, - دەپ حابارلايدى Egemen.kz.
ونىڭ ءمالىم ەتۋىنشە, ديسپانسەردە اشىلعان پروۆيزورلىق ورىن سانى 50 پايىز قىسقارىپتى.
ء«بىزدىڭ ديسپانسەردەگى پروۆيزورلىق ستاتسيوناردان سوڭعى ون كۇننىڭ ىشىندە 30 ادام ەمدەلىپ شىعىپ وتىر. ال, تامىزدان بەرى پروۆيزورلىق كەرۋەت سانىن 50-گە دەيىن ازايتتىق. قازىر 10-عا جۋىق ناۋقاس ەم الىپ جاتىر. ولاردىڭ اراسىندا جاساندى جەلدەتۋ اپپاراتىنا قوسىلعان پاتسيەنت جوق. پاندەميا جاعدايىنا قاراماستان, ديسپانسەردە جوسپارلى ەم جۇرگىزۋ پروتسەسى, كۇردەلى وپەراتسيالار جاساۋ جالعاسۋدا», دەدى ول.