باقشا ونىمدەرىنىڭ الۋان ءتۇرىن وسىرەتىن «اتىراۋ ونىمدەرى» شارۋا قوجالىعىنىڭ جەتەكشىسى ۆلاديمير روزمەتوۆ ءىنجىردىڭ دە جەرسىنەتىنىن دالەلدەدى. بۇل وسىمدىكتى ماحامبەت اۋدانىنداعى جىلىجايدا ءوسىردى, - دەپ حابارلايدى Egemen.kz.
«بۇدان بىرنەشە جىل بۇرىن جىلىجايدا ليمون وسىرە باستاعان ەدىك. قازىر ليموننان ءونىم الىپ وتىرمىز. سودان سوڭ تاجىريبە جاساۋ ماقساتىندا ءىنجىردى ء وسىرۋدى قولعا الدىق. ءىنجىر دە ءبىزدىڭ وڭىرگە جەرسىندى. جاقىندا العاشقى ءونىمىن جينادىق. وزبەكستاندىق عالىمداردىڭ كەڭەسىنە سۇيەنسەك, ءىنجىردى تەك جىلىجايدا عانا ەمەس, اشىق اسپان استىنداعى القاپتا دا وسىرۋگە بولادى. بىراق, قىسقى ماۋسىمدا ونى دا ءجۇزىم سياقتى جاۋىپ قويۋ كەرەك», - دەيدى ۆلاديمير روزمەتوۆ.
ونىڭ پىكىرىنشە, جىلىجايدا وسىرىلگەن ىنجىردەن 50 كەلىدەن استام ءونىم الۋعا بولادى ەكەن. سول سەبەپتەن, شارۋاگەر الداعى جىلى تاڭسىق وسىمدىكتى 1 گەكتار القاپتا ءوسىرۋدى جوسپارلاپ وتىر.