قاراعاندى وبلىسىنىڭ بالقاش قالاسىنداعى ىشكى ىستەر دەپارتامەنتىنىڭ ۋاقىتشا وقشاۋلاعىش باستىعى سۇلتان يبراگيموۆ تارتىپسىزدىگىنە بايلانىستى وقشاۋلاعىشقا وتىردى. بۇل تۋرالى «كريمينالنىە نوۆوستي» حابارلادى.
بالقاش قالاسىنداعى تۇنگى كلۋبقا بارعان ەكى قىزدىڭ بىرىمەن بەيتانىس ازامات تانىسقىسى كەلگەن. ونىڭ اراق ىشكەنىن بايقاعان قىز ءبىرجولا سويلەسۋدەن باس تارتادى دا, سىرتقا قۇربىسىمەن بەت الادى. اشۋعا بۋلىققان ازامات قىزدىڭ ىزىنەن قالماي, ونى كوشەدە سوققىعا جىققان. وسى ءىستى قۇقىق قورعاۋ قىزمەتكەرلەرى تەكسەرۋ بارىسىندا قىزدى ۇرعان ۋاقىتشا وقشاۋلاعىش باستىعى س. يبراگيموۆ ەكەنىن انىقتادى. بۇل ازامات جەرگىلىكتى جەردەگى پروكۋراتۋراعا وقيعاعا بايلانىستى تۇسىنىكتەمە بەرۋگە كەلگەن ساتىندە, پروكۋروردىڭ اعا كومەكشىسىنە دە قول جۇمساعان ەكەن...
سوت شەشىمىمەن س. يبراگيموۆ ۋاقىتشا وقشاۋلاعىشقا وتىردى. ەندى وعان قاتىستى قىلمىستىق ءىس جاقىن ارادا قارالادى.
باقىتبەك كەنەش ۇلى.