ەلوردا اكىمدىگىندە بازارلار, ساۋدا ۇيلەرى, ساۋدا جانە ويىن-ساۋىق ورتالىقتارى وكىلدەرىمەن قاۋىپسىزدىك پەن سانيتاريا نورمالارىنىڭ قاتاڭ ساقتالۋىن قامتاماسىز ەتۋ ماسەلەلەرى تالقىلاندى. نۇر-سۇلتان اكىمىنىڭ ورىنباسارى باقتيار ماكەن جۇمىس ورىندارىن دەزينفەكتسيالاۋعا ەرەكشە نازار اۋدارۋ قاجەتىن ايتتى. بۇل تۋرالى ەلوردا اكىمدىگىنىڭ ءباسپاسوز قىزمەتى حابارلايدى, دەپ جازدى Egemen.kz
"كارانتين شارالارى جاعدايدى تۇراقتاندىرۋعا جانە ناۋقاستار سانىن ازايتۋعا مۇمكىندىك بەردى. بىراق كارانتين بىرتىندەپ الىنعاننان كەيىن بوساڭسۋعا بولمايدى, ويتكەنى ۆيرۋس ەشقايدا كەتكەن جوق. الدا كۇز – جرۆي ماۋسىمى. دارىگەرلەر مەن مەديتسينا مەكەمەلەرىنە اۋىرتپالىق تۇسەدى. سوندىقتان جاپپاي ۆيرۋس جۇقتىرۋدىڭ الدىن الۋ ءۇشىن قاتاڭ سانيتاريا نورمالارىن ساقتاۋ قاجەت. ءبىرىنشى كەزەكتە كاسىپكەرلىك نىساندارى. كىرە بەرىستە انتيسەپتيك, دەزينفەكتسيا قۇرالدارى بولۋى, ساتۋشىلار بەتپەردە مەن قولعاپ كيۋ كەرەك. عيمارات ىشىندە ءبىر ۋاقىتتا ادامداردىڭ كوپ بولۋىن شەكتەپ, الەۋمەتتىك قاشىقتىقتى ساقتاۋ قاجەت. الەۋمەتتىك قاشىقتىق بەلگىلەرى ورناتىلىپ, مىندەتتى تۇردە بەتپەردە تاعۋ تۋرالى ەسكەرتپەلەر جاسالۋى كەرەك", دەدى ەلوردا اكىمىنىڭ ورىنباسارى باقتيار ماكەن.
سونىمەن قاتار بيزنەس نىساندارىنىڭ يەلەرى جەلدەتۋ جۇيەسىنىڭ ۇزدىكسىز جۇمىسىن قامتاماسىز ەتىپ, قىزمەتكەرلەرگە سانيتاريا نورمالارىن ساقتاۋدىڭ ماڭىزى تۋرالى نۇسقاۋ بەرۋى كەرەك. سانيتارلىق دارىگەردىڭ بۇيرىعىنا سايكەس كاسىپورىنداردىڭ باسشىلارى جۇمىسشىلاردىڭ دەنساۋلىعىنا جاۋاپتى.