بۇل لاۋازىمدى ساتقان ىبىراي ۇلى ەسەنعاليەۆ اتقاراتىن بولدى. ايماق باسشىسىنىڭ وكىمىمەن, ءبىلىم جانە عىلىم مينيسترلىگى كەلىسىمىمەن تاعايىندالعان جاڭا باسشىنى ۇجىمعا وبلىس اكىمىنىڭ ورىنباسارى باقىتگۇل حامەنوۆا تانىستىردى.
ساتقان ىبىراي ۇلى 1988 جىلى گۋرەۆ پەداگوگيكالىق ينستيتۋتىن "تاريح, قوعامتانۋ ءپانىنىڭ مۇعالىمى" ماماندىعىمەن بىتىرگەن. تاريح عىلىمدارىنىڭ كانديداتى.
ەڭبەك جولى ماحامبەت اۋداندىق مادەنيەت بولىمىندە باستالىپتى. ءار جىلدارى ماحامبەت اۋدانىنىڭ جالعانساي ورتا مەكتەبىندە, №1 وبلىستىق مەكتەپ-ينتەرناتتا وقىتۋشى, ح.دوسمۇحامەدوۆ اتىنداعى اتىراۋ مەملەكەتتىك ۋنيۆەرسيتەتىنىڭ پرورەكتورى بولىپ جۇمىس ىستەدى.
ال, 2008 جىلى كەڭوزەك سەلولىق وكرۋگىنىڭ اكىمى, قر مەملەكەتتىك قىزمەت ىستەرى جونىندەگى اگەنتتىگىنىڭ اتىراۋ وبلىسى بويىنشا باسقارماسىنىڭ مەملەكەتتىك قىزمەتتى كادرلارمەن قامتاماسىز ەتۋ ءبولىمىنىڭ باستىعى, 2008-2009 جىلدارى اتىراۋ قالالىق ءبىلىم ءبولىمىنىڭ باستىعى, 2009-2011 جىلدارى بالالاردىڭ قۇقىقتارىن قورعاۋ كوميتەتى اتىراۋ وبلىستىق دەپارتامەنتىنىڭ باسشىسى بولدى.
بۇدان سوڭ 2011-2013 جىلدارى وبلىستىق ءبىلىم باسقارماسىنىڭ باسشىسى, 2013-2014 جىلدارى بالالاردىڭ قۇقىقتارىن قورعاۋ كوميتەتى وبلىستىق دەپارتامەنتىنىڭ باسشىسى قىزمەتىن اتقاردى.
2014-2017 جىلدارى ح.دوسمۇحامەدوۆ اتىنداعى اتىراۋ مەملەكەتتىك ۋنيۆەرسيتەتىندە وقىتۋشى, ءبىلىم جانە عىلىم سالاسىنداعى باقىلاۋ كوميتەتى وبلىستىق دەپارتامەنتىنىڭ باسشىسى بولدى. 2017 جىلدان بەرى ء بىلىم جانە عىلىم مينيسترلىگى ءبىلىم جانە عىلىم سالاسىندا ساپانى قامتاماسىز ەتۋ كوميتەتىنىڭ وبلىستىق دەپارتامەنتىنە باسشىلىق ەتتى.