ەكولوگيا مينيسترلىگىنىڭ قاۋىرت جەلىسىنە سوڭعى اپتادا ستيحيالىق قوقىستارعا 623 شاعىم كەلىپ ءتۇستى, - دەپ حابارلايدى Egemen.kz
ستيحيالىق قوقىس تۋرالى حابارلاردىڭ كوپشىلىگى الماتى (90), شىعىس قازاقستان (62) جانە قاراعاندى وبلىستارىنان (48), سونداي-اق الماتى قالاسىنان (47) كەلىپ ءتۇستى. اقمولا (42) مەن اقتوبە وبلىسى (30) ازاماتتاردان تۇسكەن ءوتىنىش سانى بويىنشا كوشباسشىلار "بەستىگىنە" كىردى.
623 شاعىمنىڭ 469-ى ۇيىندىلەرگە, 154-ءى قوقىس تولىپ كەتكەن كونتەينەرلەرگە قاتىستى.
ء"بىر اپتا ىشىندە اكىمدىكپەن بىرگە 347 قوقىس ءۇيىندىسى جويىلدى. بۇل باعىتتاعى جۇمىس جالعاسۋدا. جالپى ەكولوگيا مينيسترلىگى تۇرعىندار تاراپىنان شاعىمدار ارتتتى. بۇل ازاماتتىق پوزيتسيانىڭ وسكەنىن بىلدىرەدى. ونىڭ ۇستىنە, جەدەل جەلى جۇمىسىنىڭ تيىمدىلىگى كەيىنگى ەكى اپتادا ايقىن بايقالادى. شاعىم تۇسكەننەن كەيىن اقپارات دەرەۋ جەرگىلىكتى ەكولوگيا دەپارتامەنتتەرىنە, قر ءىىم قىزمەتى مەن اكىمدىكتەرگە جىبەرىلەدى. ماماندار جەدەل تەكسەرۋ ورنىنا بارىپ, شارا قولدانادى, كىنالىلەر جازالانىپ, سونىڭ ىشىندە ايىپپۇل ءوندىرىلىپ الىنادى", دەلىنگەن حابارلامادا.
ەسكە سالساق, ەكولوگيا مينيسترلىگىنىڭ قاۋىرت جەلىسىنىڭ ءنومىرى: +7 (775) 952-49-00. ۋاتساپ مەسسەندجەرى ارقىلى كەز كەلگەن قازاقستاندىق ءوز قالاسىنداعى نەمەسە اۋىلىنداعى كوقىس ءۇيىندىسى تۋرالى اقپاراتتى, ونى راستايتىن سۋرەت پەن ۆيدەو جىبەرە الادى.