ءورت سوندىرۋشىلەر الماتى وبلىسى, قاراساي اۋدانىنداعى جانىپ جاتقان كوپقاباتتى تۇرعىن ۇيدەن 25 ادامدى قۇتقاردى. بۇل تۋرالى الماتى وبلىسى تجد ءباسپاسوز قىزمەتى حابارلايدى, دەپ جازادى Egemen.kz
ۆەدومستۆو حابارلاعانداي, ساعات تۇنگى 00:24-تە قاسكەلەڭ قالاسىنىڭ 9 قاباتتى كوپپاتەرلى تۇرعىن ءۇيدىڭ 3-قاباتىنداعى پاتەردە ءورت شىققانى تۋرالى حابارلاما كەلىپ ءتۇستى.
ءورت سوندىرۋشىلەر 25 ادامدى قۇتقاردى. زارداپ شەككەن 5 تۇرعىن كۇيىك الدى, ال تاعى 2-ەۋى ءورت كەزىندە تۇتىنتەن ۋلانعان. بارلىعى قاراساي اۋدانىنىڭ واا مەن الماتى ستاتسيونارلارىنا جاتقىزىلدى.
ءورت ساعات 01:07-دە ءسوندىرىلدى. قىزىل جالىن 15 شارشى مەتر اۋماقتى العان. ءورت ءسوندىرۋ كەزىندە الماتى وبلىسى تجد-ءنىڭ 33 قىزمەتكەرى مەن 7 تەحنيكاسى جۇمىلدىرىلدى. ءورتتىڭ شىعۋ سەبەبى قازىرگى كۇنى انىقتالىپ جاتىر.