قالا تۇرعىندارى +7 778 598 4948 ءنومىرى بويىنشا حابارلاسا الادى, دەپ حابارلايدى رavlodarnews.kz.
بۇل تۋرالى شاھار باسشىسى ەرجان ءيمانسلام ءوزىنىڭ ينستاگرام الەۋمەتتىك جەلىسىندەگى پاراقشاسىندا جاريالادى.
– قۇرمەتتى پاۆلودارلىقتار! حالىق ۇنىنە قۇلاق اساتىن مەملەكەت - بۇل حالىقتىڭ ماسەلەلەرى مەن ساۋالدارىنا جەدەل جاۋاپ بەرەتىن بيلىك. وسى ءبىر جارىم اپتا ىشىندە مەن الەۋمەتتىك جەلىلەردەگى اككاۋنتتار ارقىلى جۇزدەن استام ءوتىنىش الدىم. ولاردىڭ كەيبىرەۋلەرى بىردەن شەشىمىن تاپتى, كەيبىرى مۇقيات قاراۋدى تالاپ ەتەدى, – دەپ جازادى قالا اكىمى.
سونداي-اق ول پاۆلودار قالاسى اكىمدىگىنىڭ رەسمي سايتىندا "ونلاين-قابىلداۋ" سەرۆيسى جۇمىس ىستەيتىنىن جانە وندا تولعاندىرعان سۇراقتاردى تىكەلەي قويۋعا بولاتىنى جايلى اتاپ وتكەن.
– سول سەرۆيس ارقىلى مەنىڭ جەكە قابىلداۋىما جازىلا الاسىزدار. سىلتەمە ستوريسكە بەكىتىلگەن. ءبىزدىڭ ديالوگ ودان دا ناتيجەلى بولۋ ءۇشىن مەن بۇگىننەن باستاپ جەكە WhatsApp ءنومىرىمدى ىسكە قوسامىن +7 778 598 4948, – دەيدى ەرجان ءيمانسلام.