جاپونيانىڭ تەحنولوگيالىق كومپانيالارى پاندەميا باستالعالى ماسكامەن بايلانىستى ءتۇرلى يننوۆاتسيالىق جوبالاردى ۇسىنىپ كەلەدى. وسىعان دەيىن جازدا «سالقىنداتاتىن» ماسكانى تانىستىرعان ونەرتاپقىشتار جاقىندا «اۋدارماشى ماسكا» ويلاپ تاپتى.
جاڭا يننوۆاتسيالىق ماسكا ايتىلعان ءماتىندى سەگىز تىلگە اۋدارا الادى. پلاستيك پەن سيليكوننان جاسالعان اقىلدى قۇرىلعى ءموبيلدى قوسىمشا ارقىلى جۇمىس ىستەيدى. بۇل تىڭ تۋىندى ۆيرۋستان جالعىز قورعاي المايدى, تەك مەديتسينالىق ماسكانىڭ ۇستىنەن تاعۋعا ارنالعان ەكەن. Donut Robotics كومپانياسى العاشىندا ەلدەگى اۋەجايلاردىڭ بىرىنە اۋدارماشى روبوتتاردى جاساۋعا تاپسىرىس العان, الايدا پاندەميا سالدارىنان جۇمىس توقتاپ قالعان. وسى كەزدە جوبا اۆتورلارى بار تەحنولوگيانى قوعام سۇرانىسىنا ساي بەيىمدەپ, جاڭا تۋىندىنى تانىستىرۋعا كىرىسىپ كەتكەن. ءبىر ايدا دايىن بولعان جوبا جاپونيادا ساتىلىمعا قىركۇيەكتە شىعادى. كەيىننەن ەۋروپا, اقش, قىتايدا دا ساتىلۋى مۇمكىن.