قمدب نۇر-سۇلتان قالاسى وكىلدىگىنىڭ ۇيىمداستىرۋىمەن بۇگىن باس شاھارداعى "باقىتتى شاڭىراق" مۇگەدەكتىگى بار بالا تاربيەلەيتىن وتباسىلار قورىنا قايىرىمدىلىق شاراسى جاسالدى. قور ءتورايىمى پەرنەش ابدۋكاريمقىزىنىڭ جاساعان وتىنىشىنە وراي بۇگىن ەلوردا وكىلدىگى اتىنان قور مۇشەلەرىنە 100 سومكە ەت جانە ازىق-ت ۇلىك قورى بەرىلدى.
نۇر-سۇلتان قالاسىنىڭ باس يمامى ەربولات ءجۇسىپوۆ باستاعان وكىلدىك قىزمەتكەرلەرى الدىمەن "باقىتتى شاڭىراق" قورىنىڭ جاقىندا اشىلعان ورتالىقتارىنا سوعىپ, ناۋقاس سابيلەردى ەمدەۋ-ساۋىقتىرۋ شارالارىنا ارنالعان جۇمىستارىمەن تانىسىپ, قور قىزمەتكەرلەرىنە كومەك سومكەلەرىن تابىستاپ قايتتى. سول جەرگە جيىلعان اتا-انالار قاۋىمى مەن قور قىزمەتكەرلەرىنە ەربولات نۇرىلدا ۇلى ىزگى تىلەگىن ءبىلدىرىپ, ازداعان ناسيحات ايتتى.
قايىرىمدىلىق كومەگىنىڭ كولەمدەۋ بولۋىنا بايلانىستى قالعان جاردەم سومكەلەرى "باقىتتى شاڭىراق" قورىنىڭ قويماسىنا تابىستالىپ, وكىلدىك قىزمەتكەرلەرى كارانتين رەجيمىن ساقتاي وتىرىپ اتالعان مەكەنجايعا جەتكىزدى.