Euronews ارناسىنىڭ حابارلاۋىنشا, ەۋروپالىقتاردىڭ ءومىر ءسۇرۋ جاسى ۇزارا تۇسكەن. مۇنداي ناتيجەگە اۋا لاستانۋىنا جول بەرمەۋ ءۇشىن قابىلدانعان شارالار ارقاسىندا قول جەتىپ وتىر. جۇرگىزىلگەن زەرتتەۋلەر بويىنشا, «قارت قۇرلىق» تۇرعىندارىنىڭ ءومىر ءسۇرۋ ۇزاقتىعى 9 ايعا كوبەيگەن. ياعني Air Quality of Life Index تۇزگەن تىزىمدە اۋانىڭ لاستانۋى ادام ومىرىنە تىكەلەي اسەر ەتەتىنى انىقتالعان.
قازىرگى تاڭدا ەۋروپالىق وداق اياسىندا زياندى گازداردى اۋاعا شىعارماۋعا, كولىكتەرگە ارنايى ستاندارت بەكىتۋگە ارنالعان كەشەندى شارالار اياسىندا اۋا لاستانۋى 41 پايىزعا تومەندەپتى.
عالىمداردىڭ پايىمداۋىنشا, لاستانعان اۋاداعى زياندى قالدىقتار ادام اعزاسىنا كەرى اسەر ەتەدى. ءتىپتى ونىڭ قاۋپى ايۆ/جيتس سەكىلدى اۋرۋلار مەن تەمەكى شەگۋدەن دە اسىپ تۇسكەن.