سينحۋا اگەنتتىگىنىڭ اقپاراتىنا قاراعاندا, قحر توراعاسى سي تسزينپين ۇلتتىق قورعانىس پەن قارۋلى كۇشتەردى جاڭعىرتۋعا جانە دامىتۋعا باسىمدىق بەرەتىنىن مالىمدەگەن.
ەل باسشىسىنىڭ ايتۋىنشا, قىتايلىق كەلبەتتى ساقتاپ, ۇلتتىق قۇندىلىقتى نىعايتۋ ءۇشىن دامۋمەن بىرگە قورعانىس سالاسىنا دا كوڭىل ءبولىنۋى ءتيىس. سوندىقتان ول مەملەكەتتىڭ كەلەشەگىن ايقىنداۋ ماقساتىندا اسكەر سالاسىن كۇشەيتۋدى قاجەت دەپ ەسەپتەيدى.
سونداي-اق ۇلتتىق قورعانىس مەن قارۋلى كۇشتەردى جاڭعىرتۋ ەلدىڭ جاڭعىرۋ ۇدەرىسىنە ساي بولۋى ءتيىس. ءارى اسكەري مۇمكىنشىلىك ۇلتتىق ستراتەگيالىق قاجەتتىلىككە جاۋاپ بەرۋى قاجەت.
بۇدان بولەك, سي تسزينپين قىتاي كوممۋنيستىك پارتياسى ءاردايىم مىعىم ۇلتتىق قورعانىس پەن الەۋەتتى قارۋلى كۇشتەر قالىپتاستىرۋعا ەرەكشە كوڭىل ءبولىپ كەلگەنىن جەتكىزدى.
سينحۋا اگەنتتىگىنىڭ حابارلاۋىنشا, قىتاي وسى سالانىڭ 2020 جىلعا ارنالعان ماقساتتارى مەن مىندەتتەرىن ورىنداپ ۇلگەرگەن. ەندى, جاڭا باعىتقا قادام باسىپ, قىتاي اسكەرىن الەمدىك دەڭگەيگە شىعارۋعا كۇش سالماق.
الداعى جوسپار بويىنشا, ۇلتتىق قورعانىس پەن قارۋلى كۇشتەردى دامىتۋعا ارنالعان جاڭا ستراتەگيا 14 جىلعا ارنالعان. وسى باعدارلاما اياسىندا تالانتتى ءارى كاسىبي اسكەريلەردى جاساقتاۋعا باسىمدىق بەرىلەدى.