وبلىستىق دەنساۋلىق ساقتاۋ باسقارماسىنىڭ باسشىسى نۇرلىبەك قابدىقاپاروۆتىڭ ايتۋىنشا, تۇرعىندار جەرگىلىكتى مەكەن-جايى بويىنشا ەمحانا جولدامامەن كومپيۋتەرلىك توموگرافيا اپپاراتىنا تەگىن تۇسۋىنە مۇمكىندىك جاسالىپ وتىر. سونداي-اق, پنەۆمونيانى انىقتاۋ ءۇشىن رەنتگەنگە دە تۇسۋىنە بولادى.
"قازىر وبلىستا 10 كومپتەرلىك توموگرافيا اپپاراتى بار. بۇرىن كومپيۋتەرلىك توموگرافيا اپپاراتى بولماعان كەزدە پنەۆمونيا رەنتگەن ارقىلى انىقتالىپ كەلدى. سول سەبەپتەن, كومپيۋتەرلىك توموگرافيانىڭ بالاماسىنا رەنتگەن اپپاراتىن جاتقىزا الامىز", - دەيدى نۇرلىبەك قابدىقاپاروۆ.
اتىراۋ وبلىستىق اۋرۋحاناسى 2, №2 وبلىستىق ينفەكتسيالىق اۋرۋحانا 1, وبلىستىق كارديوورتالىقتا, ونكولوگيا ديسپانسەرىندە, وبلىستىق بالالار اۋرۋحاناسى مەن جىلىوي اۋداندىق ورتالىق اۋرۋحاناسى ءبىر-بىردەن كومپيۋتەرلىك توموگرافيامەن قامتىلىپتى. سونداي-اق, ءۇش جەكە كلينيكادا وسىنداي ءبىر اپپارات بار.