بۇل كومەكتى اتاۋلى الەۋمەتتىك كومەك الاتىن وتباسىلاردىڭ بالالارى جانە ايلىق كۇن كورىس كورسەتكىشى تومەن وتباسىلار الادى. ول ءۇشىن اتا-انالار قۇجاتتارىن ءبىلىم ۇيىمدارىنا ۇسىنۋى كەرەك. ال جەتىم جانە جارتىلاي, كوپ بالالى وتباسى بالالارىنا مەكتەپتەردەگى قامقورشىلىقتىڭ شەشىمىنە سايكەس ءبىر رەتتىك كومەك بەلگىلەنەدى.
باسقارما باسشىسى سونىمەن قاتار قاجەتتىلىكتى قامتۋ ماقساتىندا 24 955 وتباسىعا كومپيۋتەر بەرىلەتىنىن اتاپ ءوتتى.
"اعىمداعى جىلدىڭ قىركۇيەك ايىنا دەيىن جەرگىلىكتى بيۋدجەت ەسەبىنەن 4 800 كومپيۋتەر ساتىپ الۋ جوسپارلانۋدا. ناتيجەسىندە, جالپى كومپيۋتەر سانى 25 مىڭدى قۇراپ, از قامتاماسىز ەتىلگەن وتباسى بالالارىن ەسەپكە الماعاندا قامتۋدى قاجەت ەتەتىن 24 955 وتباسى قامتىلاتىن بولادى", - دەدى ج.تاجيەۆا.
بۇگىندە قالادا الەۋمەتتىك كومەكتى قاجەت ەتەتىن وتباسى بالالارى – 35 798. ونىڭ ىشىندە, از قامتىلعان وتباسى بالالارى – 28 445, جەتىم بالالار – 685, ەرەكشە ءبىلىم بەرۋدى قاجەت ەتەتىن بالا سانى– 6668.