پاۆلودار قالاسىنا جاڭا اكىم تاعايىندالدى

ەرجان يمانيسلام 1972 جىلى پاۆلودار وبلىسىندا دۇنيەگە كەلگەن. 1991 جىلى كراسنوارمەيكا اۋىل شارۋاشىلىعى تەحنيكۋمىن (تەحنيك-مەحانيك), 2007 جىلى قازاق قۇقىقتانۋ جانە حالىقارالىق قاتىناستار ينستيتۋتىن (قۇقىقتانۋ باكالاۆرى), 2014 جىلى يننوۆاتسيالىق ەۋرازيا ۋنيۆەرسيتەتىن (ەكونوميكا جانە بيزنەس باكالاۆرى) جانە 2017 جىلى اباي مىرزاحمەتوۆ اتىنداعى كوكشەتاۋ ۋنيۆەرسيتەتىن (تاسىمالداۋدى ۇيىمداستىرۋ, قوزعالىس جانە كولىكتى پايدالانۋ سالاسىنداعى باكالاۆر; زاڭ عىلىمدارىنىڭ ماگيسترى) بىتىرگەن.

ەڭبەك جولىن 1987 جىلى قاشىر اۋدانى, كالينوۆكا اۋىلىنداعى قۇرىلىس ۋچاسكەسىندە جۇمىسشى بولىپ باستاعان. تەحنيكۋمنان كەيىن ەرجان ءيمانسلام قاشىر كەنتىندەگى قۇرىلىس ماتەريالدارى مەن كونسترۋكتسيالار كومبيناتىندا ۇستا-سانتەحنيك بولىپ جۇمىس ىستەدى. شەكارا اسكەرلەرىندەگى قىزمەتتەن كەيىن پاۆلودارداعى "ەنەرگوجيلستروي-1" قۇرىلىس باسقارماسىنىڭ مونتاجشىسى بولدى.

1994-2000 جىلدار ارالىعىندا ەرجان ءيمانسلام قاشىر اۋدانىنىڭ ىشكى ىستەر ءبولىمى مەن پروكۋراتۋراسىندا ءتۇرلى لاۋازىمداردا قىزمەت اتقاردى. 2005-2008 جىلدارى قاشىر اۋدانىنىڭ اكىمدىگىندە جۇمىس ىستەدى, ونىڭ ىشىندە اكىم اپپاراتىنا باسشىلىق ەتتى. 2008 جىلدان 2011 جىلعا دەيىن اقسۋ قالاسىنىڭ اكىمدىگىندە جۇمىس ىستەدى, قالا اكىمىنىڭ ورىنباسارى بولدى.

2011-2013 جىلدار ارالىعىندا پاۆلودار اكىمى اپپاراتىنىڭ باسشىسى, 2013-2014 جىلدار ارالىعىندا پاۆلودار قالاسى اكىمىنىڭ ورىنباسارى قىزمەتتەرىن اتقاردى.

2017 جىلعا دەيىن سولتۇستىك قازاقستان وبلىسىندا يندۋستريالدى-يننوۆاتسيالىق دامۋ باسقارماسىندا قىزمەت اتقاردى, سونداي-اق تايىنشا اۋدانىنىڭ اكىمى بولدى. 

2020 جىلعى 27 شىلدەدە پاۆلودار اكىمى بولىپ تاعايىندالعانعا دەيىن قر يندۋستريا جانە ينفراقۇرىلىمدىق دامۋ مينيسترلىگىندە قىزمەت اتقاردى, ونىڭ ىشىندە يدم كوميتەتىنىڭ ماشينا جاساۋ باسقارماسىن باسقاردى.