قازاقستاندىق بوكسشى فيرۋزا ءشارىپوۆا بەلارۋستىڭ مينسك قالاسىندا كەزەكتى جەكپە-جەگىنە شىعۋعا ءتيىس ەدى. الايدا كوروناۆيرۋس پاندەمياسىنا بايلانىستى ايقاس وتپەيتىن بولدى, دەپ حابارلايدى Egemen.kz.
"دوستار! ەرتەڭ مينسكىدە مەنىڭ جەكپە-جەگىم وتۋگە ءتيىس ەدى. وكىنىشكە قاراي, كوروناۆيرۋسقا بايلانىستى مەن بەلارۋسكە جەتە الماي قالدىم. ونىڭ سەبەبى - شەكارانىڭ جابىق بولۋى. وزدەرىڭىز بىلەسىزدەر, قازان قالاسىنداعى كەزدەسۋ دە وسى سەبەپپەن كەيىنگە قالعان بولاتىن. بىراق مەن ايقاسقا دايىنمىن. مەنىڭ كوماندام ماعان رەسەيدەن قارسىلاس تاۋىپ بەرەدى دەپ ۇمىتتەنەم. بۇل جايلى كەيىنىرەك حابارلايمىز. ماعان ورىن ۇسىنعان Suleimen Promotions پرومۋتەرلىك كومپانياسىنا شەكسىز ريزاشىلىعىمدى جەتكىزگىم كەلەدى. الايدا شەكارانىڭ جابىقتىعىنا بايلانىستى مينسكىدەگى شارانى ۇيىمداستىرۋ مۇمكىن بولمادى", - دەپ جازدى فيرۋزا ءشارىپوۆا Instagram پاراقشاسىندا.
ەسكە سالا كەتەيىك, فيرۋزا بۇعان دەيىن وليمپيادا ءفيناليسى سوفيا وچيگاۆامەن ايقاسقا شىعۋ ءۇشىن جان-جاقتى ازىرلەنگەن بولاتىن.