بۇگىن 16:00 شاماسىندا قوستاناي-رۋدنىي باعىتىنداعى كۇرە جولدىڭ 10-شى شاقىرىمىندا پاترۋلدىك پوليتسيا كولىگى مەن ۆاز 2115 ماركالى اۆتوكولىك سوقتىعىسىپ, سالدارىنان 4 جاسار ءسابي كوز جۇمدى, - دەپ حابارلايدى Egemen.kz.
پد ءباسپاسوز قىزمەتىنىڭ مالىمەتىنشە, قىزمەتتىك اۆتوپاترۋل دابىل بەلگىسىن قوسىپ, بۇدان ءبىر ساعات بۇرىن بولعان جول-كولىك اپاتىنا كەتىپ بارا جاتقان. بۇعان دەيىن اتالمىش اۆتوكولىك جولىنىڭ 17 شاقىرىمىندا ۆاز 2115 ماركالى جەڭىل كولىكتە كەلە جاتقان جۇرگىزۋشى رولگە يە بولا الماي قالىپ, جول شەتىندەگى ەڭىسكە اۋدارىلعان. ناتيجەسىندە, 26 جاستاعى جۇرگىزۋشى مەن جانىنداعى 23 جاستاعى جولاۋشى قىز قازا تاپتى.
ءاۆتوپاترۋلدىڭ قاتىسۋىمەن بولعان كولىك اپاتىنا قاتىستى قىزمەتتىك تەكسەرىس باستالدى. سونداي-اق, قر قك 345-بابىنىڭ 3 ءبولىمى بويىنشا سوتقا دەيىنگى تەرگەۋ ءجۇرىپ جاتىر.
قوستاناي وبلىسى