تۇركىستان وبلىسى ورداباسى اۋداندىق ورتالىق اۋرۋحانا جانىنان 100 ادامعا شاقتالعان پروۆيزورلىق ورتالىق دايىندالۋدا, - دەپ حابارلايدى Egemen.kz.
اۋدان اكىمى نۇربول تۇراشبەكوۆتىڭ ايتۋىنشا, اۋداندىق اۋرۋحانانىڭ بۇرىنعى عيماراتى جەرگىلىكتى كاسىپكەرلەردىڭ قولداۋىمەن تولىق جوندەۋدەن وتۋدە. نىسان تامىز ايىندا پايدالانۋعا بەرىلمەك.
سونىمەن قاتار, اۋدانداعى تەمىرلان ەلدى مەكەنىندە "اربات" اۋماعىن اباتتاندىرۋ جۇمىستارى قارقىندى جۇرۋدە. مەردىگەر مەكەمە – "ارت قۇرىلىس" جشس-ءى. اعىمداعى جىلدىڭ ءساۋىر ايىندا باستالعان قۇرىلىس جۇمىستارى جەلتوقسان ايىندا تولىق اياقتالماق. ال تەمىرلانداعى 600 ورىندىق جاڭا مەكتەپ جاڭا وقۋ جىلىنا وراي ەسىگىن اشادى. اۋدان ورتالىعىنداعى قۇرىلىس جۇمىستارى اياقتالىپ, بيىل پايدالانۋعا بەرىلگەن نىساننىڭ ءبىرى – "ورتالىق ساياباق". اباتتاندىرۋ جۇمىستارى جۇرگەن, جالپى اۋماعى 5 گەكتار ساياباقتا داڭق مەموريالى, اۋداننىڭ قۇرمەتتى ازاماتتارىنىڭ اللەياسى, بوتانيكالىق باق پەن سپورتتىق الاڭشالار ورنالاسقان.