شاقىرتۋعا شاعىن توپتار شىعادى

قوستاناي قالاسىنداعى №4 ەمحانادا كۇن سايىن تاڭعى ساعات 8:00-دەن تۇنگى 00:00-گە دەيىن 5 ءموبيلدى بريگادا جۇمىس ىستەيدى. ىندەتكە قارسى كۇرەستى كۇشەيتۋ ماقساتىندا جاساقتالعان جاڭا قىزمەت توبىنىڭ قۇرامىندا دارىگەر مەن مەدبيكە بار. ولاردىڭ ارقايسىسى ارنايى اۆتوكولىكپەن قامتاماسىز ەتىلگەن. باس دارىگەر مارگاريتا بيسەنوۆانىڭ ايتۋىنشا, 3 ءموبيلدى توپقا ەمحانانىڭ ءوز كولىكتەرى بەكىتىلىپتى, قالعان توپتارعا جەرگىلىكتى تاكسي كومپانيالارىنىڭ ءبىرى كۇنىنە ەكى اۆتوكولىكتەن ءبولىپ وتىرادى.

– الدىمەن ەمحاناعا قوڭىراۋ شالعان تۇرعىننىڭ جاي-كۇيىن انىقتاپ الامىز. قىزۋى نەشەنى كورسەتىپ تۇرعانىن, قاي جەرى اۋىراتىنىن, نەشە كۇننەن بەرى جايسىز كۇيگە تۇسكەنىن, جوتەلىنىڭ بار-جوعىن, پتر-ءى وڭ ناتيجە كورسەتكەن ناۋقاستارمەن بايلانىستا بولعان-بولماعانىن سۇرايمىز. دەنە قىزۋى 38 گرادۋستى كورسەتىپ تۇرسا, ءموبيلدى توپ دەرەۋ ناۋقاستىڭ مەكەنجايى­نا اتتانادى. ال قىزۋى 38-دەن تومەن ناۋقاستاردى ەمحانا ماماندارى قاشىقتان باقىلاپ, كۇن سايىن ءجيى-ءجيى قوڭىراۋ شالىپ, كۇتىنىپ, كوپ سۋ ىشۋگە كەڭەس بەرىپ وتىرادى. مۇندايدا دەنە قىزۋىن ۇنەمى قاداعالاپ وتىرۋ كەرەك. قىزۋ 38 گرادۋسقا دەيىن بولسا, ەشقانداي ءدارى ءىشۋدىڭ قاجەتى جوق, ال قىزۋ كوتەرىلىپ جاتقان جاعدايدا, تاڭەرتەڭ جانە كەشكە پاراتسەتومول ءىشۋ كەرەك, – دەيدى م. بيسەنوۆا.

وبلىس ورتالىعىندا ورنالاس­قان ەم­حا­نا­لىق ءموبيلدى توپتار 25 ماۋسىمنان بەرى جۇمىس ىستەپ كەلەدى. ءموبيلدى بري­گادانىڭ جۇمىس الگوريتمى – قارا­پا­يىم. ەمحاناعا قوڭىراۋ تۇسكەن سوڭ, توپ قۇرامىنداعى دا­رى­گەر مەن مەدبيكە دەرەۋ ناۋقاستىڭ ۇيىنە بارىپ, جاعدايىن تەكسەرەدى. پتر-عا تالداۋ الۋ كەرەگىن نەمەسە كەرەك ەمەس ەكەنىن انىقتايدى. وسىلايشا, جان-جاقتى تەكسەرىپ, ەم شارالارىن تاعايىندايدى. ەگەر ناۋقاستى مىندەتتى تۇردە ستاتسيونارعا جاتقىزۋ قاجەت بولسا, ءموبيلدى توپ سول جەردە پتر-عا تالداۋ الىپ, جولداما جازادى. ودان كەيىن كۇدىكتى ناۋقاستى جەدەل پروۆيزورلىق ستاتسيونارعا اپارىپ جاتقىزۋ ءۇشىن كومەك شاقىرادى.

ءبىر ءموبيلدى توپ تاۋلىگىنە 20-25 رەت شاقىرتۋ بويىنشا مەكەنجايعا شىعادى. ولاردىڭ جۇمىسىن ىندەتكە قارسى كۇرەستىڭ تيىمدىلىگىن ارتتىرۋ ماقساتىندا ارنايى قۇرىلعان Call-ورتالىق ۇيلەستىرەدى. بۇل ورتالىقتىڭ جۇمىس كەستەسى 12 شىلدەگە دەيىن دۇيسەنبى-جۇما كۇندەرى ساعات 09.00 مەن 18.00 ارالىعىندا بولعان, قازىر اپتا بويى دەمالىسسىز, ساعات 09.00-دەن 18.00-گە دەيىن قوڭىراۋ قابىلدايدى. ءار اۋىسىمعا ءتورت قىزمەتكەر ەكى-ەكىدەن كەزەك­تەسىپ شىعادى. پاندەمياعا دەيىن Call-ورتالىققا كۇنىنە 100-گە تارتا ادام حابار­لاسسا, قازىرگى ۋاقىتتا 200-گە دەيىن قوڭى­راۋ كەلىپ تۇسەدى.

–تۇرعىندار نەگىزىنەن كورونوۆيرۋس پەن پنەۆمونياعا قاتىستى سۇراقتار قويا­دى. ءبىز دارىگەرگە قارالۋدى ەسكەرتىپ, ما­مان­­داردىڭ, مەديتسينا ۇيىمدارىنىڭ باي­لانىس تەلەفونىن, باسقا دا ءتيىستى اقپا­راتتاردى ايتامىز. سونىمەن قاتار ء«دارى-دارمەك جەتىسپەي جاتىر» دەپ شاعىم بىل­دىرگەندەر دە كەزدەسەدى. ولاردىڭ ىز­دە­گەنىن سۇراستىرىپ, ءدارىحانالاردىڭ انىقتاما تەلەفوندارىن تاۋىپ بەرەمىز. مىسالى, بۇگىن ليساكوۆ قالاسىنان ءدارى تاپشىلىعى ماسەلەسىنە بايلانىستى بىرەر قوڭىراۋ ءتۇستى. ولارعا دا وسىلاي ءجون سى­ل­تە­دىك, – دەيدى Call-ورتالىق مامانى يرينا فۋنك.

مۇندا قوڭىراۋ سوعۋ­شى­لار­دىڭ جاس شاماسى ءارتۇرلى, جاستار دا, قارتتار دا ءتۇرلى وتىنىش­تە­رىمەن حابارلاسىپ جاتادى. مىناۋ ءوڭىر ناقتى بەلسەندى دەپ تە ايتۋ قيىن. بىراق سالىستىرمالى تۇردە الىپ قاراعاندا Call-ورتالىقتى ءجيى مازالايتىن قالالىقتار دەگەندى ايتادى ماماندار. دارىگەر-مامانداردىڭ ايتۋىنشا, ءموبيلدى بريگادالار ىندەتكە قارسى كۇرەستىڭ تيىم­دى­لىگىن ارتتىرا تۇ­سە­دى. مۇ­نداي جەدەل ءارى شاعىن توپتار ار­قىلى بىرىنشىدەن, ەمحانالار­دا كەزەك كۇتكەن ادامدار سانى ەداۋىر ازايادى. ەكىنشىدەن, ساني­تارلىق قاۋىپسىزدىك قام­تاما­سىز ەتىلەدى, ياعني ناۋقاس ۇيىن­دە ەم الاتىندىقتان, ونىڭ ىندەت جۇق­تى­رۋ تاۋە­كەلى ازايادى. ۇشىن­شى­دەن, ونسىز دا جۇ­مىسى قاۋىرت ەمحانا دارىگەرلەرىنىڭ كەزەككە تىركەلگەن ناۋقاستارعا بولەتىن ۋاقىتى مولايادى. قالاي دەسەك تە, بۇگىنگى جاعدايدا ناۋقاس­تار­دى قاشىقتان ەمدەۋدىڭ ماڭىزى زور.

ءبىز اڭگىمە ەتكەن №4 ەمحانا­داعى ءمو­بيلدى توپتار تاۋلىگىنە 130-150 ادام­عا دەيىن دارىگەرلىك كومەك كورسەتەدى. ال قوس­تا­ناي قالاسىنداعى شاعىن مەدي­تسي­نالىق توپتاردىڭ بارلىعى كۇنىنە 2 مىڭنان استام ناۋقاسقا ەم-دوم شارالارىن جاسايدى. قازىر وبلىستا جالپى سانى 74 ءموبيلدى توپ تىنىمسىز جۇمىس ىستەپ جاتىر.

قوستاناي وبلىسى