21 شىلدەدەن باستاپ الماتى – جەزقازعان باعىتى بويىنشا تۇراقتى اۋە قاتىناسى اشىلدى. بۇل تۋرالى Egemen.kz يدم ءباسپاسوز قىزمەتىنە سىلتەمە جاساپ حابارلايدى.
"Qazaq Air" اۆياكومپانياسى ىشكى باعىتتار بويىنشا سۇرانىستى قاناعاتتاندىرۋ ماقساتىمەن سۋبسيديالاناتىن اۆياباعىتتارعا قوسىمشا كونكۋرس ناتيجەسى بويىنشا 21 شىلدەدەن باستاپ الماتى – جەزقازعان باعىتى بويىنشا تۇراقتى رەيستەردى ورىنداۋدى باستادى", - دەلىنگەن حابارلامادا.
ءبىر باعىتقا بيلەتتىڭ كۇنى – 20 000 تگ.
"SCAT" اۆياكومپانياسى ورىندايتىن اپتاسىنا 2 رەيسكە "Qazaq Air" اۆياكومپانياسىنىڭ قوسىمشا 2 رەيسىن قوسۋعا رۇقسات ەتىلدى. قازىرگى ۋاقىتتا اتالعان باعىت بويىنشا اپتاسىنا 4 رەيس ورىندالادى.
"Qazaq Air" اۋە قاتىناستارى سەيسەنبى جانە سەنبى كۇندەرى مىنا كەستە بويىنشا ورىندالادى: جەزقازعان (12:00) – الماتى (13:55); الماتى (14:30) – جەزقازعان (16:25). بارلىق رەيس سىيىمدىلىعى 76-دان 86 ورىنعا دەيىنگى "Bombardier" اۋە كەمەلەرىمەن ورىندالادى.