جىتىقارادا 5-قاباتتان قۇلاعان بالا امان قالدى, دەپ حابارلايدى Egemen.kz
توتەنشە جاعداي دەپارتامەنتىنىڭ مالىمەتىنشە, 20-شىلدە كۇنى ساعات 23:00 شاماسىندا بولمەدە جالعىز قالعان 4 جاسار بالا تەرەزەنىڭ الدىنا شىعىپ, موسكيت تورىنا سۇيەنە بەرگەندە, تور بەكىتكىشىنەن شىعىپ كەتكەن.
سالماعى سىرتقا اۋىپ كەتىپ, تومەنگە قۇلدىراي جونەلگەن بالا جۇمساق توسەنىش ءشوپتىڭ ۇستىنە ءتۇسىپ امان قالعان. قازىر جىتىقارا اۋداندىق اۋرۋحاناسىنىڭ جانساقتاۋ بولىمىندە جاتىر. دارىگەرلەر بالانىڭ جاعدايىن ورتاشا اۋىر دەپ باعالاپ وتىر.
وكىنىشكە قاراي, مۇنداي قايعىلى وقيعا بيىل جىتىقارادا ەكىنشى رەت قايتالانىپ وتىر.