ا.بايتۇرسىنوۆ اتىنداعى ۋنيۆەرسيتەت پەن ءو.سۇلتانعازين اتىنداعى پەداگوگيكا ۋنيۆەرسيتەتى قوسىلىپ, ەندى احمەت بايتۇرسىنوۆ اتىنداعى قوستاناي وڭىرلىك ۋنيۆەرسيتەتى دەپ اتالاتىن بولدى. تاياۋدا عانا ءبىلىم ورداسىنىڭ باسشىلىعى ونلاين-بريفينگ وتكىزىپ, ءبىر جىلعا سوزىلعان بىرىگۋدىڭ سوڭعى نۇكتەسى قويىلعانىن ءمالىم ەتتى.
وكىنىشتىسى, قوستانايداعى كوزى قاراقتى قاۋىم كەمەڭگەردىڭ اتى-ءجونىن بايتۇرسىنوۆ ەمەس, بايتۇرسىن ۇلى دەپ جازعان دۇرىس بولاتىنىن ايتقالى 20 جىل ءوتتى. بىراق ەلدىڭ ەستى سوزىنە ۋنيۆەرسيتەت باسشىلىعى قۇلاق اسار ەمەس. بۇل جولى دا قاپەرىنە الماپتى. ايتپەسە, ەكى جوو قوسىلىپ, بۇكىل قۇجات اۋىسىپ جاتقان ساتتە ءبىر تيىن شىعىنداماي-اق «-وۆ»-تى الىپ تاستاپ, ورنىنا وپ-وڭاي « ۇلى»-نى قويا سالۋعا بولاتىن ەدى.
ەستەرىڭىزگە سالا كەتسەك, الماتىداعى ءتىل ءبىلىمى ينستيتۋتى بايتۇرسىنوۆ ەمەس, بايتۇرسىن ۇلىنىڭ اتىندا. ەل استاناسىندا دا بايتۇرسىن ۇلى كوشەسى بار. الاش ارداقتىسىنىڭ ءوزى دە كوزى تىرىسىندە 1925 جىلدارعا دەيىن جەكە قۇجاتتارى مەن ەڭبەكتەرىنە «بايتۇرسىن ۇلى» دەپ جازىپ كەلگەنى تاريحتان ءمالىم.
ەندەشە, ءبارى « ۇلى» دەپ جازىپ جاتقاندا, احاڭنىڭ تۋعان جەرىندەگى ۋنيۆەرسيتەت «-وۆ»-تان نەگە ايىرىلعىسى كەلمەي وتىر؟..
قوستاناي