مەكتەپ-ينتەرنات جاڭارتىلدى

– حالىق ءارتىسى ءانۋار بورانباەۆ اتىنداعى ورتا مەكتەپ جانىنداعى ين­تەر­ناتقا «اليۋمينستروي» جشس قۇرىلىس كومپانياسى قايتا كۇر­دە­لى جوندەۋ جۇرگىزىپ جاتىر. مەر­دى­گەر جۇمىسىن تاپسىرعان سوڭ شال­عايداعى شاعىن اۋىلداردان كەلەتىن 70 شاكىرت وسىندا جاتىپ ءبىلىم الادى. اتالعان جوباعا وبلىس بيۋدجەتىنەن 133 ملن تەڭگە قاراجات ءبولىنىپ وتىر. ينتەرناتتىڭ شاتىرىنان سۋ اعىپ, ىشكى قابىرعالارىنىڭ سى­­لاعى ءتۇسىپ, توزىپ كەتىپ ەدى. قۇ­رى­لىس­شىلار عيماراتتىڭ توبە­سىن تولىق اشىپ, ەسكى جابىنىن الىپ تاستاپ, ورنىنا ءتوزىمدى ءارى زاماناۋي مەتالل شاتىر جاپتى. بۇ­رىن­عى ەسكى اعاش تەرەزەلەردىڭ ورنىنا ساپالى پلاستيك تەرەزەلەر قويىلدى. سونىمەن قاتار جاتىن بولمەلەر وڭتايلاندىرىلىپ, ارا قابىرعالار قويىلۋدا. بۇعان دەيىن 3-4 بالا بىرگە جاتىپ كەلسە, ەندى ءبىر بولمەدە ەكى بالا عانا جاتاتىن بولادى, – دەدى مەكتەپ ينتەرناتتىڭ مەڭگەرۋشىسى ايگۇل ديحامباەۆا.

اۋدان اكىمىنىڭ ورىنباسارى سۇندەت جولدىبەك ۇلىنىڭ ايتۋىن­شا, وسىدان ەكى جىل بۇرىن ءا.بورانباەۆ اتىنداعى ورتا مەكتەپ وبلىس بيۋدجەتىنەن بولىن­گەن 180 ملن تەڭگە قاراجاتقا كۇر­دە­لى جوندەۋدەن وتكەن. ءبىلىم وشا­عى سول جىلى 24 ملن تەڭگەگە ماتەريالدىق-تەحنيكالىق بازاسىن دا جاڭارتىپ الىپتى.

– ءبىلىم مەكەمەسىنە قاجەتتى بارلىق قۇرال-جابدىقتار الىندى. مەكتەپتىڭ جىلۋ قازاندىعى ءۇشىن جەكە عيمارات سالىندى. ال مەكتەپ جانىنداعى ينتەرنات كوپ جىلداردان بەرى جوندەۋ كورمەي, قيىندىق تۋدىرىپ كەلگەن-ءدى. بيىل «اۋىل – ەل بەسىگى» باعدارلاماسىنىڭ ارقاسىندا كۇردەلى جوندەۋدەن ءوتىپ جاتىر, – دەدى اۋدان اكىمىنىڭ ورىنباسارى.

ايماقتا جاريالانعان شەكتەۋ شا­رالارىنا بايلانىستى كەي كۇن­دەرى مۇندا دا جۇمىس تەجەلىپ قالىپ جاتىر. بىراق سوعان قاراماستان, قۇرىلىسشىلار مەجەلەنگەن جۇمىستىڭ باسىم بولىگىن ەڭسەرىپ تاستاپتى. ەكى قاباتتى عيماراتتىڭ سىرتقى قابىرعاسى مەن شاتىرى تولىق بۇتىندەلىپ, بۇگىندە ىشكى جۇمىستار ءجۇرىپ جاتىر. ينتەرنات ۋاعدالى مەرزىم ىشىندە تولىق جاڭارتىلىپ, الداعى وقۋ جىلىنىڭ باسىندا بالالاردىڭ يگىلىگىنە اينالماق. بۇعان مەردىگەر دە نىق سەنىمدى.

قوستاناي وبلىسى,

امانگەلدى اۋدانى,

امانگەلدى اۋىلى