شەكتەۋ شارالارى كۇشەيتىلدى

دۇنيەجۇزىلىك دەنساۋلىق ساق­تاۋ ۇيىمى ۆيرۋستىڭ قاۋپى سەيىل­مەگەنىنە نازار اۋدارىپ, ىندەتتىڭ تارالۋىن ءتورت باعىتتا سيپات­تادى. ۇيىم باسشىسى تەدروس ادحا­نوم گەبرەيەسۋستىڭ سوزىنە سۇيەن­سەك, الەم ەلدەرى كوروناۆيرۋس قۇر­سا­ۋىنان قۇتىلۋىنا ءالى ەرتە.

ء«بىرىنشى جاعدايدا, مەملەكەت تەز قيمىلداپ, العاشقى ناۋقاس تىركەلگەن بەتتە-اق جەدەل ارەكەتكە كوشتى. ناتيجەسىندە, بۇل ەلدەردە ۆيرۋستىڭ تارالۋى قارقىندى سيپات العان جوق. بۇل كاتەگورياعا كاريب تەڭىزىندەگى, تىنىق مۇحيتىنداعى بىرنەشە مەملەكەت كىرەدى», دەدى ۇيىم باسشىسى.

سونداي-اق كەي ەلدەر ناۋقاس­تاردى جانە ولارمەن بايلانىستا بولعان­داردى تەز انىقتاپ, حالىق پەن مەديتسينا سالاسى بىرلەسە وتىرىپ ۆيرۋسقا قارسى تۇرعان. اتالعان ەكى ساناتقا  كىرەتىن ەلدەردە قازىرگى تاڭ­دا COVID-19-دىڭ تارالۋى باياۋ.

ال كەلەسى توپقا كىرەتىن مەملەكەتتەردە اۋەلى پاندەميانىڭ ءبىرىنشى تولقىنىن لوكداۋن ارقىلى جەڭە العانىمەن, كارانتيندىك شەكتەۋ شارالارىن جەڭىلدەتۋ ناتيجەسىندە ىندەت قايتا تاراي باستاعان. سوڭعى ساناتتاعى ەلدەردە ۆيرۋس قارقىندى تۇردە حالىققا جۇعىپ جاتىر.

بىرقاتار مەملەكەت شەكتەۋ شارالارىن قايتا كۇشەيتتى. گونكونگتە سەيسەنبىدەن باس­تاپ ارا ­قاشىقتىقتى ساقتاۋدى مىندەت­تەدى. ەل بيلىگىنىڭ ايتۋىنشا, كو­روناۆيرۋستىڭ كەڭ كولەمدە تا­راۋىنىڭ ىقتيمالدىلىعى وتە جوعارى. وسىعان بايلانىستى قو­عامدىق كولىكتە, قوعامدىق ورىندا بەتپەردە تاعىلۋى ءتيىس. الدا-جال­دا بەتپەردە تاقپاعان ادام قوعام­دىق كولىككە مىنسە, وعان 645 دوللار كولەمىندە ايىپپۇل سالىنادى. سونداي-اق مەيرامحانالار مەن ءدامحانالار جۇمىسى توقتاتىلىپ, تاماق جەتكىزۋ قىزمەتى عانا قال­دى. پاندەميا باستالعالى بەرى گون­كونگ كارانتيندىك شەكتەۋدى مۇنشا­لىقتى كۇشەيتپەگەن ەدى.

فيليپپين دە قايتادان لوكداۋن ەنگىزبەك. سوعان بايلانىس­تى مانيلا قالاسىندا 250 مىڭ ادام قايتادان ۇيگە وقشاۋلاندى. قازىرگى تاڭدا بۇل ەلدە ناۋقاستار سانى 57 مىڭنان اسقان. 1600 ادام قاۋىپتى دەرتتىڭ سالدارىنان ومى­رى­مەن قوشتاستى. ايتا كەتەرلىگى, فيليپپين وڭتۇستىك-شىعىس ازيا­دا ۆيرۋس ەڭ كوپ تىركەلگەن ەكىنشى مەملەكەت.

اقش-تا ءبىر اپتا بويى COVID-19 جۇقتىرعاندار سانى 60 مىڭ­نان ازايماي تۇر. تاياۋدا ەل پرە­زيدەنتى دونالد ترامپ ءباس­پاسوز جيىنىنا بەتپەردە تاعىپ كەلدى. بۇعان دەيىن اق ءۇي باسشىسى بۇقارالىق اقپارات قۇرالدارىمەن كەزدەسۋگە ەشقاشان ماسكا تاقپاعان ەدى. بۇل دا قۇراما شتاتتارداعى احۋال­دىڭ كۇردەلىلىگىن كورسەتسە كەرەك-ءتى.

كاليفورنيا شتاتىنىڭ گۋبەرناتورى وڭىردەگى بۇكىل بارلار مەن مەي­رامحانالاردى, كينوتەاتر مەن مۋزەيلەردى جابۋعا بۇيرىق شىعاردى. اتالعان قوعامدىق ورىن­­داردىڭ قايتا اشىلعانىنا دا كوپ بولماعان ەدى. بۇدان بولەك, شتاتتا قۇلشىلىق ۇيلەرى, جاتتىعۋ زالدارى, شاشتاراز, ويىن-ساۋىق ورتالىقتارىنىڭ قىزمەتى دە توق­تاتىلدى.

گۋبەرناتوردىڭ مۇنداي قادام­عا بارۋىنا شتاتتاعى ناۋقاستار سا­نىنىڭ كوبەيۋى سەبەپ بولىپ وتىر. قازىرگى تاڭدا مۇندا كۇنىنە 8 مىڭ­نان استام ادامنىڭ ۆيرۋس جۇقتىرعانى انىقتالدى. The New York Times باسىلىمىنىڭ حابارلاۋىنشا, پاندەميا باستالعالى بەرى 5,4 ميلليون امەريكالىق مە­ديتسينالىق ساقتاندىرۋىنان ايى­رىلعان.

اۋستراليادا قاۋىپتى دەرتكە شال­دىققاندار سانى 10 مىڭنان استى. وسىعان بايلانىستى جاڭا وڭتۇستىك ۋەلس شتاتىندا شەكتەۋ شارالارى كۇشەيتىلىپ, مەيرامحانالار مەن ءدامحانالار جابىلدى. ون ادامنان ارتىق جينالۋعا, قوعامدىق ءىس-شارالار وتكىزۋگە تىيى­م سالىندى.

دەگەنمەن «جاسىل قۇرلىقتا­عى» جاعداي سالىستىرمالى تۇر­دە قالىپتى دەۋگە تولىق نەگىز بار. بۇگىندە بۇل ەلدە تىركەلگەن ناۋقاس­تار سانى ايتارلىقتاي كوپ ەمەس. وسىعان قاراماستان ەل بيلىگى ەرتە قامدانىپ جاتىر.

جاپونيادا كونتسەرتكە بارعان­داردىڭ بىرنەشەۋىنەن ۆيرۋس انىق­تالعانىنا بايلانىستى سول كۇنى توپ ونەرىن تاماشالاعان 800 ادامدى جەدەل ىزدەستىرۋگە كىرىستى.

ۇلىبريتانيادا دا شەكتەۋ شارا­لارى كۇشەيتىلىپ, قوعامدىق ورىنداردا, دۇكەندەردە بەتپەردە تاعۋ مىندەتتەلدى. ساراپشىلاردىڭ ايتۋىنشا, ۆيرۋستىڭ ەكىنشى تولقىنى تۇماندى البيوندا 120 مىڭ ادامنىڭ ءومىرىن جالماۋى مۇمكىن.

مەكسيكانىڭ وڭتۇستىگىندە اۋرۋ­حانا قىزمەتكەرلەرىنىڭ 68 پايىزى COVID-19 جۇقتىرعانى انىقتالعاننان كەيىن, بۇكىل شتات كارانتينگە جابىلدى. قازىرگى تاڭدا بۇل ەلدە دە ىندەت قارقىندى تاراپ وتىر.  قىسقاسى, تورتكۇل دۇنيە تۇگەل كوروناۆيرۋسقا قارسى شەكتەۋ شارالارىن كۇشەيتىپ, قام­دانىپ جاتىر.