سىبايلاس جەمقورلىققا قارسى ءىس-قيمىل اگەنتتىگىنىڭ تۇركىستان وبلىسى بويىنشا دەپارتامەنتى جانىنان قۇرىلعان "تۇركىستان - ادالدىق الاڭى" جوبالىق كەڭسەسى مەن قالالىق اكىمدىگىنىڭ قولداۋىمەن وبلىس ورتالىعىندا ء"ادىل سويلەپ, ادال ءجۇر" اتتى جاڭا مۋرال سالىندى, دەپ حابارلايدى Egemen.kz.
تۇركىستان قالاسىنىڭ "وتىرار" ىقشام اۋدانىنداعى كوپقاباتتى تۇرعىن ءۇيدىڭ قابىرعاسىنا سالىنعان مۋرالدا قازاق دالاسىنىڭ ءتول پەرزەنتى, تۇركى حالىقتارىنىڭ ۇلى ويشىلى قوجا احمەت ياساۋيدىڭ بەينەسى كەسكىندەلگەن. كوز تارتار كومپوزيتسيانىڭ نەگىزگى ەرەكشەلىگى - بيىكتىگى 15 مەتردى قۇرايتىن مۋرال ۇلى اقىننىڭ ء "ادىل سويلەپ, ادال ءجۇر" دەگەن تەرەڭ تاربيەلىك مازمۇنعا يە دانالىق سوزىنە نەگىزدەلىپ سالىنعان. دەپارتامەنت باسشىسىنىڭ ءبىرىنشى ورىنباسارى ميراس قارعاباي جاڭا كومپوزيتسيا قالا تۇرعىندارىنىڭ اراسىندا ادىلدىك پەن ادالدىق قاعيداتتارىنىڭ كەڭ دارىپتەلۋىنە جانە وسكەلەڭ جاس ۇرپاقتىڭ ونەگەلى جولعا باعىت بۇرۋىنا سەپتىگىن تيگىزەتىنىن ايتادى.
دەپارتامەنت ءباسپاسوز قىزمەتىنىڭ حابارلاۋىنشا, احمەت ياساۋي بابامىزدىڭ عيبراتتى اسىل سوزدەرىنەن باستاۋ العان بۇل باستاما, الداعى ۋاقىتتا وبلىستىڭ بارلىق اۋدان, قالالارىندا جالعاسىن تاباتىن بولادى.