وبلىس ورتالىعىندا پايدا بولعان جاڭا قىزمەت توبىنىڭ قۇرامىندا ءبىر دارىگەر جانە ءبىر مەدبيكە بار. ءموبيلدى بريگادالاردىڭ باستى مىندەتى – امبۋلاتورلىق ەم الىپ جاتقاندارعا, ءۇي كارانتينىندەگىلەرگە, سونداي-اق دەنساۋلىعى ناشارلاعان سيمپتومسىز ناۋقاستارعا دارىگەرلىك كومەك كورسەتۋ بولىپ تابىلادى. سونىمەن قاتار, ناۋقاستارعا مەملەكەت بەرەتىن تەگىن ءدارى-دارمەكتەردى دە جەتكىزىپ بەرەدى, - دەپ حابارلايدى Egemen.kz.
ايماق باسشىسى ارحيمەد مۇحامبەتوۆتىڭ Instagram اككاۋنتىنان الىنعان مالىمەت بويىنشا, مەديتسينالىق ءموبيلدى توپتار كۇن سايىن تاڭعى ساعات 8:00-دەن تۇنگى 00:00-گە دەيىن جۇمىس ىستەيدى.
دارىگەرلەردى كولىكپەن قامتاماسىز ەتۋ ءۇشىن جەرگىلىكتى بيۋدجەتتەن ارنايى قارجى قاراستىرىلعان. قوستانايداعى تاكسي كومپانيالارىنىڭ ءبىرى ءموبيلدى توپتاردى تاسىمالداۋعا 12 اۆتوكولىك ءبولىپ وتىر.
قوستاناي وبلىسى