تۇركىستان وبلىسىنىڭ پوليتسەيلەرى "قاراسورا-2020" جەدەل-پروفيلاكتيكالىق ءىس-شاراسى بارىسىندا تۇرعىننىڭ اۋلاسىنان 30 كەلىگە جۋىق سورا تاركىلەدى, – دەپ حابارلايدى Polisia.kz.
جىل باسىنان بەرى وبلىس پوليتسەيلەرى ەسىرتكى ەككەندەرگە قارسى ءىس-قيمىل شارالارىن كۇشەيتىپ, وبلىسقا قاراستى بارلىق قالا, اۋدانداردا رەيد جۇرگىزىپ, ەسىرتكىمەن اينالىسقان, ونى ساتقان جانە تاسىمالداعان قۇقىق بۇزۋشىلارعا قاتىستى جەدەل-الدىن الۋ شارالارىن ىسكە اسىرىپ جاتىر. ماسەلەن, قازىعۇرت اۋداندىق پوليتسيا ءبولىمىنىڭ قىزمەتكەرلەرى تۇرعىن ءۇيىنىڭ اۋلاسىندا ەسىرتكى تەكتەس سورا وسىمدىگىن وسىرگەن ەر ادامدى ۇستادى.
اتالعان جايت سوتقا دەيىنگى تەرگەپ-تەكسەرۋدىڭ بىرىڭعاي تىزىلىمىنە ەنگىزىلىپ, قر قك-ءنىڭ 300-بابى بويىنشا "قۇرامىندا ەسىرتكى زاتتار بار, وسىرۋگە تىيىم سالىنعان وسىمدىكتەردى زاڭسىز ەگىپ-ءوسىرۋ" قىلمىستىق ىس قوزعالدى. جەدەل قۇرىلعان پوليتسەيلەر توبى كۇدىكتىنىڭ اۋلاسىنداعى باۋ-باقشاسىنىڭ 15 ءتۇپ سورا وسىمدىگىن تاۋىپ, ايعاقتى زات رەتىندە تاركىلەپ الدى. ساراپتاما تاعايىندالدى.
قورىتىندىعا سايكەس الىنعان تۇپتەر 30 كەلىگە جۋىق "سورا" ەسىرتكىسى بولىپ شىقتى. كۇدىكتىنىڭ باس شاراسى مىندەتتەمەمەن بوساتىلدى. قازىرگى تاڭدا وسى ءىس بويىنشا تەرگەپ-تەكسەرۋ امالدارى جۇرگىزىلىپ جاتىر. تەرگەۋشىلەر ەر ادام سورا ەسىرتكىسىن ءوزىنىڭ اۋلاسىندا نە سەبەپتى وسىرگەنىن انىقتايدى.
تۇركىستان وبلىسىنىڭ ءتارتىپ ساقشىلارى تىيىم سالىنعان وسىمدىكتەردى ءوسىرۋ, زاڭسىز ەسىرتكى ساۋداسىمەن اينالىسۋ, جالپى ەسىرتكىگە قاتىسى بار جايتتار زاڭ الدىندا قاتاڭ جازاعا تارتىلاتىنىن ەسكەرتەدى. كەي ساتتەرى قىلمىس جاساپ, زاڭ بۇزعان ادامنىڭ جازالاناتىنىن بىلە تۇرا زاڭسىزدىققا جول بەرىلىپ جاتادى.
ەسىرتكىنىڭ قوعام دەرتى ەكەندىگىن ەستەن شىعارماي, ونى ءوسىرىپ, قولدانىپ, تاسىمالداعاندارمەن كۇرەسۋدى كۇشەيتۋىمىز قاجەت. سوندىقتان ءسىز, ەسىرتكى بويىنشا قانداي دا ءبىر اقپاراتتاردى بىلسەڭىز بىردەن پوليتسيانىڭ "102" نومىرىنە حابارلاسىڭىز. بۇل وز كەزەگىندە ەسىرتكىگە بايلانىستى قىلمىستاردىڭ ازايۋىمەن جولىن كەسۋگە سەپتىگىن تيگىزەدى.