نيكوليا ساركوزي ەلباسىن مەرەيتويىمەن شىن جۇرەكتەن قۇتتىقتاپ, مىقتى دەنساۋلىق, باق-بەرەكە جانە جاۋاپتى مەملەكەتتىك قىزمەتىنە تابىس تىلەدى, دەپ حابارلايدى Egemen.kz elbasy.kz-كە سىلتەمە جاساپ.
فرانتسيانىڭ بۇرىنعى پرەزيدەنتى نۇرسۇلتان نازارباەۆپەن دوستىق قارىم-قاتىناستى جوعارى باعالايتىنىن جانە ەكى ەل اراسىنداعى ىنتىماقتاستىقتى بەلسەندى دامىتۋ باعىتىندا بىرلەسە جۇمىس ىستەگەن جىلداردى جىلى سەزىممەن ەسكە الاتىنىن ايتتى.
ەلباسى نيكوليا ساركوزيگە شىنايى قۇتتىقتاۋى مەن جىلى لەبىزدەرى ءۇشىن ريزاشىلىعىن ءبىلدىرىپ, 2008 جىلى پاريجدە تاراپتار قول قويعان قازاقستان مەن فرانتسيا اراسىنداعى ستراتەگيالىق سەرىكتەستىك تۋرالى كەلىسىمىنىڭ ەرەكشە ماڭىزدىلىعىنا نازار اۋداردى.
تەلەفون ارقىلى سويلەسۋگە فرانتسيا جاعى باستاماشى بولدى.