ابدۋللا گۇل ەلباسىن كەلە جاتقان 80 جىلدىق مەرەيتويىمەن قۇتتىقتاپ, مىقتى دەنساۋلىق, باق-بەرەكە مەن تولايىم تابىس تىلەدى. بۇل تۋرالى Elbasy.kz حابارلادى, - دەپ جازادى Egemen.kz
تۇركيانىڭ بۇرىنعى پرەزيدەنتى الەمدە بەدەلى جوعارى, قۋاتتى جانە وركەندەپ كەلە جاتقان قازاقستاننىڭ قالىپتاسۋىنداعى نۇرسۇلتان نازارباەۆ تۇلعاسىنىڭ تاريحي ماڭىزىن اتاپ ءوتتى.
ەلباسى ابدۋللا گۇلگە قۇتتىقتاۋى ءۇشىن شىن جۇرەكتەن العىسىن ءبىلدىرىپ, قازاقستان-تۇركيا ستراتەگيالىق قاتىناستارىن دامىتۋ جانە نىعايتۋ باعىتىندا بىرلەسە جۇمىس ىستەگەن جىلداردى جىلى سەزىممەن ەسكە الدى.
تەلەفون ارقىلى سويلەسۋگە تۇرىك جاعى باستاماشى بولدى.