بىشكەكتىڭ ءار اۋدانىندا كۇندىزگى اۋرۋحانالار اشىلۋعا دايىن بۇل تۋرالى Facebook-تەگى پاراقشاسىندا ەلوردا اكىمدىگى اپپاراتىنىڭ باسشىسى بالباك تولوباەۆ ايتتى, - دەپ حابارلايدى Egemen.kz.
ونىڭ ايتۋىنشا, بارلىق جۇمىستار بۇگىن اياقتالادى. ناۋقاستاردى نەعۇرلىم جاقسى ورنالاستىرۋ تۋرالى كەڭەستەر جۇرگىزىلۋدە. شەنەۋنىك جاريالاعان فوتوسۋرەتتەرگە سۇيەنسەك, سپورت زالدارىندا, سونىڭ ىشىندە "گازپروم" فيتنەس-ورتالىعىندا قوسىمشا توسەك ورىندارى ورنالاستىرىلدى.
جالپى قىرعىزستاندا 7 094 كوروناۆيرۋس جۇقتىرۋ وقيعاسى تىركەلگەن. 2 714 ادام ساۋىعىپ شىقتى. سونىمەن قاتار, پنەۆمونيامەن اۋىراتىن رەسپۋبليكانىڭ اۋرۋحانالارىندا (تەرىس COVID-19) 2 مىڭ 122 ادام بار. كوروناۆيرۋس جانە كوپشىلىككە بەلگىلى پنەۆمونيامەن اۋىراتىن ناۋقاستاردىڭ كوپشىلىگى بىشكەكتە كەزدەسەدى.
پنەۆمونيامەن اۋىراتىن كوپتەگەن ناۋقاستار اۋرۋحاناعا توسەك-ورىن جەتىسپەگەندىكتەن ۇيدە ەمدەلىپ جاتىر.