باستى قۇندىلىق – ادام ءومىرى

ارينە, بۇگىنگى تاڭدا دەن­ساۋلىق ساقتاۋ سالاسىنا, باسقا دا سالالاردىڭ جۇمىسىنا قاتىستى ايتىلىپ جاتقان سىني پىكىرلەر از ەمەس. دەسەك تە, كىنانىڭ ءبارىن سولارعا اۋدارۋ قانشالىقتى ادىلەتتى؟!

ايتالىق, ءوزىم تۇراتىن ءۇيدىڭ ماڭىندا ءدامحانالاردا بەتپەردەسىز, ساقتىق شارالارىن ساقتاماي وتىرعان جاستاردى ءجيى كورەمىن. كوشەدە ءدال سولاي جايباراقات سەرۋەندەپ جۇرگەندەر از ەمەس. كۇن سايىن جان-جاقتان اۋرۋعا شالدىققان, ومىرىمەن قوشتاسقان ادامدار تۋرالى جامانات حابارلار جەتىپ جاتقاندا بۇلاي جايباراقات جۇرۋگە بولمايدى.

مەنىڭ تانىستارىمنىڭ اراسىندا دا اۋىرىپ جاتقاندار, قايتىس بولعاندار بار. تانىس كاسىپكەردىڭ جۇمىسىنداعى 100 ادامنىڭ قىرىقتان استامى اۋرۋ جۇقتىردى. ءبىر فەرمەردىڭ قول استىنداعى 160 جۇمىسشىنىڭ جۇزدەن استامى ەم قابىلداۋدا. كەي ادامدار اۋرۋدى قاتتى قي­نالماي, ءوز كۇشىمەن جەڭىپ جاتىر. ەندى بىرەۋلەر بىرنەشە كۇننىڭ ىشىندە اۋىر جاعدايعا ۇشىراۋدا. الەۋمەتتىك جەلىدە قارالى حابار جەتكىزگەن, ءبىر-بىرىنە كوڭىل ايتقان, دەن­ساۋلىعىن سۇراسقان جازبالاردان كوز سۇرىنەدى. مۇنداي جاعدايدا كارانتين شارالارىن كۇشەيتۋ تۋرالى شەشىم ارينە, ورىندى بولدى. الداعى ۋاقىتتا كارانتين مەرزىمىن ۇزارتۋ دا ارتىق بولمايدى.

مەملەكەت ءۇشىن ەڭ باس­تى قۇندىلىق – ادامداردىڭ ءومىرى مەن دەنساۋلىعى. ەكونوميكالىق قيىندىقتىڭ ورنىن ۋاقىت وتە كەلە تولتىرامىز, ال ادامداردىڭ ءومىرى مەن دەنساۋلىعىن ەشقاشان قايتارا المايمىز. سول سەبەپتى بارشا جۇرتتى مەملەكەت تاراپىنان قابىلدانعان قاتاڭ كارانتين رەجىمىنە تۇسىنىستىكپەن قاراۋعا, قولداۋعا جانە ءتار­تىپ ساقتاۋعا شاقىرامىن. ءار ازامات ءوز دەنساۋلىعى ءۇشىن ءبىرىنشى كەزەكتە ءوزى جاۋاپ­تى. اتالارىمىز ء«بىرىنشى باي­لىق – دەنساۋلىق» دەپ تەگىن ايت­پاعان, سول قاناتتى ءسوز قازىرگى تاڭدا وتە وزەكتى.

تولەۋتاي راحىمبەكوۆ,

«ۇلتتىق اگرارلىق عىلىمي-ءبىلىم بەرۋ ورتالىعى» كەاق باسقارما توراعاسى