جاڭارتىلعان وقۋ جۇيەسى اياسىندا بيىل تەك 11 سىنىپتىڭ وقۋشىلارى عانا جاڭا وقۋلىقتارمەن قامتىلادى, - دەپ حابارلايدى Egemen.k.
وزگە سىنىپتار قاجەتتىلىگىنە وراي وقۋلىقتارمەن قامتاماسىز ەتىلسە, 1-ءشى, 5-ءشى جانە 6-شى سىنىپ وقۋشىلارى ينفورماتيكا پانىنەن جاڭا وقۋلىقتارمەن جاراقتالادى. وسى ماقساتتا جەرگىلىكتى بيۋدجەتتەن 900 ميلليون تەڭگە ءبولىنىپ وتىر. ءوڭىردىڭ بارلىق ءبىلىم بولىمدەرى 19 باسپاحانامەن 235 كەلىسىم-شارت جاسادى.
"وقۋلىقتاردى شالعاي اۋداندارعا جەتكىزۋ ءۇشىن تاسىمالداۋشىلارمەن شارت جاسالدى. وقۋلىقتاردىڭ ساپاسىنا ايرىقشا كوڭىل اۋدارىلادى, تالعام مەن تالاپ كۇشتى. وقۋلىقتاردا جاڭساق مالىمەت ورىن السا, وندا باسپاحانالار قايتا باسىپ شىعارادى", - دەيدى وبلىستىق ءبىلىم باسقارماسىنىڭ ءبولىم جەتەكشىسى اسەت دۇيسەمباەۆ.
بيىل جالپى سانى 8 مىڭ وقۋلىق ساتىپ الىنۋدا. ونىڭ 5 مىڭى 11-ءشى سىنىپ وقۋشىلارى ءۇشىن بولسا, قالعانى قوسىمشا رەتىندە الىنباق. وسىلايشا, ءوڭىر مەكتەپتەرى وقۋلىقتارمەن 25-ءشى تامىزعا دەيىن تولىق قامتىلادى. قاشىقتان وقىتۋ جۇيەسى ەنگىزىلگەن جاعدايدا بۇل كىتاپتار وقۋشىلاردىڭۇيلەرىنە بەرىلمەك.