پرەزيدەنت قاسىم-جومارت توقاەۆ قازاقستاندىقتاردى دارىگەرلەرگە قارسى زاڭسىز ارەكەتتەرگە جول بەرمەۋگە جانە ولارعا ءتىل تيگىزبەۋگە شاقىردى, - دەپ حابارلايدى Egemen.kz اقوردا سايتىنا سىلتەمە جاساپ.
ء"يا, بۇل قاۋىپتى اۋرۋ, ونى ەمدەۋدە ءالى دە ۆاكتسينا جوق. بىراق سولاي ەكەن دەپ, دۇربەلەڭگە سالىنۋعا بولمايدى. ودان دا زاڭسىز ارەكەتتەرگە جول بەرمەي, دارىگەرلەردى جازعىرۋعا, سانيتارلىق رەجيمدى بۇزۋعا جول بەرمەۋلەرىڭىزدى سۇرايمىن. ناۋقاستار مازاسىزدىق پەن پەسسيميزمگە ۇشىراماۋى كەرەك. ەمدەۋمەن قاتار فيزيكالىق جانە ادامنىڭ رۋحاني جاعدايى ونىڭ تەز ساۋىعۋىنا ىقپال ەتەدى. سوندىقتان, دەنساۋلىق ساقتاۋ مينيسترلىگى مەن سانيتارلىق دارىگەرلەردىڭ ۇسىنعان تالاپتارىن ۇستانۋىڭىزدى سۇرايمىن. ءبىزدىڭ بارلىق كۇش-جىگەرىمىز ەلىمىزدىڭ باستى بايلىعىن - قازاقستان رەسپۋبليكاسى ازاماتتارىنىڭ ءومىرى مەن دەنساۋلىعىن ساقتاۋعا باعىتتالعان", - دەدى قاسىم-جومارت توقاەۆ.