قىزىلوردا وبلىسىنىڭ پوليتسيا دەپارتامەنتى ەسىرتكى قىلمىسىنا قارسى ءىس-قيمىل باسقارماسى ناشاقورلىققا قارسى حالىقارالىق كۇرەس كۇنى اياسىندا ونلاين فورماتتا اكتسيا ۇيىمداستىردى, دەپ جازادى Egemen.kz
اكتسيا بارىسىندا ەسىرتكى قىلمىسىنا قارسى ءىس-قيمىل باسقارماسىنىڭ باستىعى, پوليتسيا پودپولكوۆنيگى ەربول تۇراحمەتوۆ وبلىستا وسى باعىتتا اتقارىلىپ جاتقان شارالار لەگىن ايتىپ, ونىڭ ناتيجەلەرىنە توقتالدى.
ونلاين شارادا ەسىرتكىنىڭ الدىن الۋدى ۇزدىك ناسيحاتتاعان ءبىلىم, دەنساۋلىق سالاسىنىڭ قىزمەتكەرلەرى مەن ۇكىمەتتىك ەمەس ۇيىمدار ۋاكىلدەرى اتالدى.
جەرگىلىكتى ونەرپازدار ناشاقورلىق دەرتىنە شالدىققانداردىڭ ءومىرى جايلى قويىلىم دايىنداسا, بەلگىلى ەسترادا ءانشىسى دانا كەنتاي ونەر كورسەتىپ, جاستاردى جامان ادەتتەن اۋلاق بولۋعا شاقىردى.