ءتۇبى ءبىر تۇركى دۇنيەسىنىڭ تۇگەل بولۋىنا بار كۇش-جىگەرىمەن ۇلەس قوسىپ كەلە جاتقان بەلگىلى عالىم, كورنەكتى پۋبليتسيست, "ەگەمەن قازاقستان" رەسپۋبليكالىق گازەتى" اق باسقارما توراعاسى جانە حالىقارالىق تۇركى اكادەمياسىنىڭ پرەزيدەنتى دارحان قۋاندىق ۇلى قىدىرالى قازاقستان رەسپۋبليكاسى ۇلتتىق عىلىم اكادەمياسىنىڭ اكادەميگى بولىپ سايلاندى.
قازاق عىلىمىنىڭ كەڭ ارناسىن سالىپ, ىرگەسىن بۇتىندەپ بەرگەن قانىش ساتپاەۆ, مۇحتار اۋەزوۆ, الكەي مارعۇلان سىندى اردا ۇلداردىڭ قولتاڭباسى قالعان عىلىم اكادەمياسىنىڭ جوعارى عىلىمي دارەجەسىنە يە بولۋ ەلىمىزدىڭ باس باسىلىمىنا دا مارتەبە دەپ بىلەمىز.
دارحان قۋاندىق ۇلى – قازاقستاننىڭ, قىرعىزستاننىڭ, تۇركيانىڭ بىرقاتار بەدەلدى جوعارى وقۋ ورنىنىڭ قۇرمەتتى پروفەسسورى. ازەربايجان, موڭعوليا ۇلتتىق عىلىم اكادەميالارىنىڭ قۇرمەتتى دوكتورى. تۇركى الەمى ۇلتتىق عىلىم اكادەميالارى وداعىنىڭ ۇيىمداستىرۋشىسى ءارى باسشىسى. بىرنەشە تانىمدىق كىتاپتىڭ اۆتورى. حالىقارالىق عىلىمي ەكسپەديتسيالىق جۇمىستاردىڭ جەتەكشىسى. Egemen Qazaqstan گازەتىندە جارىق كورگەن وي-تولعامدارى مەن ماقالالارى سول ايتۋلى جوبالاردىڭ تۇجىرىمى ىسپەتتى.
دارحان قۋاندىق ۇلىن ىرگەلى عىلىمداعى بيىك بەلەسىمەن قۇتتىقتاي وتىرىپ, شىعارماشىلىق جولىنداعى ەڭبەگىنە تولايىم تابىس تىلەيمىز!