"ولي ءماجليستىڭ زاڭ شىعارۋ پالاتاسىنىڭ دەپۋتاتتارى استانالىق راقىمشىلىق تۋرالى زاڭدى قابىلداۋدى ۇسىندى. بۇل يدەيا بيۋدجەتتىك جانە ەكونوميكالىق رەفورمالار جونىندەگى كوميتەت ساياسي پارتيالاردىڭ فراكتسيالارىمەن بىرلەسىپ ۇيىمداستىرعان دوڭگەلەك ۇستەل بارىسىندا ايتىلدى. پارلامەنتاريلەردىڭ پىكىرىنشە, پارلامەنتتىڭ زاڭنامالىق اكتى تۇرىندە كاپيتالعا راقىمشىلىق جاساۋدى قابىلداۋ ۇسىنىلادى, ويتكەنى قۇجات ازاماتتارعا دەگەن سەنىم ارتتىرادى", دەپ حابارلايدى Egemen.kz وزبەكستان پارلامەنتى تومەنگى پالاتاسىنىڭ سايتىنا سىلتەمە جاساپ.
ازاماتتاردىڭ كىرىستەرىن مىندەتتى دەكلاراتسيالاۋ جۇيەسىنە كوشۋ ەكونوميكانىڭ كولەڭكەدەن كەتۋىنە ىقپال ەتىپ, جەكە تۇلعالارعا مەملەكەتتىك باعالى قاعازداردى ساتۋ پايدالانىلماعان ىشكى رەسۋرستارعا قول جەتكىزۋگە مۇمكىندىك بەرەدى.
تالقىلاۋ ناتيجەلەرى بويىنشا دەپۋتاتتار ماسەلەنى ەگجەي-تەگجەيلى زەردەلەپ, ناقتى ەكونوميكاعا حالىقتىڭ بوس قاراجاتتارىن تارتۋدى ىنتالاندىرۋ بويىنشا ناقتى ۇسىنىستار دايىنداۋعا شەشىم قابىلدادى.
ساراپشىلار كولەڭكەلى ەكونوميكادان قاراجات تارتۋ ءۇشىن ولاردى كاپيتالدى راقىمشىلىق جاساۋ ارقىلى زاڭداستىرۋ قاجەت دەپ اتاپ ءوتتى.
دەپۋتاتتار كاپيتالعا راقىمشىلىق جاساۋدى زاڭ تۇرىندە قابىلداعان ءجون, دەگەن پىكىر ءبىلدىردى, ويتكەنى بۇل "ازاماتتارعا سەنىم ارتىپ, پارلامەنتتىك باقىلاۋ وبەكتىسىنە اينالادى". سونداي-اق, دەپۋتاتتار حالىققا الەۋمەتتىك قولداۋ كورسەتەتىن, ءادىل سالىق جۇيەسىن قۇرىپ, بەيرەسمي ەكونوميكانى انىقتايتىن ازاماتتاردىڭ كىرىستەرىن مىندەتتى تۇردە دەكلاراتسيالاۋ جۇيەسىن ەنگىزۋ ماسەلەسىن تالقىلادى.
"كولەڭكەلى سەكتوردىڭ كولەمىن ازايتۋ كوبىنەسە ينستيتۋتسيونالدىق ماسەلەلەردى شەشۋگە, ياعني كاسىپكەرلەردىڭ قۇقىقتارى مەن بوستاندىقتارىن قورعاۋعا بايلانىستى بولادى. وسى ماقساتتا دەپۋتاتتار كاسىپكەرلىك ەركىندىگى مەن جەكە مەنشىكتىڭ قول سۇعىلماۋى تۋرالى زاڭداردى جەتىلدىرۋ قاجەتتىلىگىن قولدادى", دەلىنگەن حابارلامادا.