شىمكەنت قالاسىنىڭ اكىمى م.ايتەنوۆ قالانى ساپالى ينتەرنەتپەن قامتۋ ماسەلەلەرى بويىنشا "قازاقتەلەكوم", "ترانستەلەكوم" اق ديرەكتورلارى جانە ۇيالى بايلانىس وپەراتورلارىمەن كەزەكتى ونلاين جينالىس وتكىزدى, - دەپ حابارلايدى Egemen.kz.
وندا تسيفرلاندىرۋ باسقارماسى باسشىسىنىڭ مىندەتىن اتقارۋشى د.الىبەكوۆ قالانى ساپالى ينتەرنەتپەن قامتاماسىز ەتۋدىڭ 2020-2021 جىلدارعا ارنالعان ستراتەگيالىق جوسپارىمەن تانىستىردى.
ونىڭ ايتۋىنشا, بازالىق ستانسا ورناتۋ ءۇشىن قالا اۋماعىنان 11 جەر تەلىمى انىقتالىپ, Google maps كارتاسىندا بەلگىلەنگەن. ولار ن. نازارباەۆ داڭعىلى, ارعىنبەكوۆ پەن ايشا ءبيبى كوشەسىندە, قايتپاس, شىمسيتي-اسار قيىلىسى, قايناربۇلاق شاعىن اۋدانى, اسار شاعىن اۋدانىنداعى ىشكى اينالما جولى, شىمكەنت-الماتى تاس جولىنان دوستىق شاعىن اۋدانى باعىتىنا قاراي, تولەمەتوۆ-وتەگەنوۆ كوشەلەرىنىڭ قيىلىسىنا قويىلادى دەپ جوسپارلانۋدا.
ستراتەگيالىق جوسپاردا قالانى ينتەرنەتپەن قامتۋ ماسەلەسى بويىنشا زەردەلەۋ جۇمىستارىن جۇرگىزەتىن جۇمىسشى توپ قۇرۋ, تۇرعىنداردى ساپالى ينتەرنەتپەن قامتاماسىز ەتۋ ءۇشىن بايلانىس وپەراتورلارىمەن مەموراندۋم ءتۇزۋ, "اقىلدى كۇنباعىس" اقپاراتتىق-تانىمدىق كەشەنىنىڭ قىزمەتىن كۇشەيتۋ جانە سانىن ارتتىرۋ, ورناتىلعان بازالىق ستانسالاردىڭ ادام ومىرىنە قاۋىپسىزدىگى جونىندە تۇرعىندار اراسىندا كەڭىنەن ءتۇسىندىرۋ جۇمىستارىن جۇرگىزۋ قارالعان.
ەلىمىزدىڭ تسيفرلىق دامۋ جولىندا ينتەرنەت ماسەلەسىنىڭ باستى نازاردا ەكەنىن ايتقان مۇرات دۇيسەنبەك ۇلى مەگاپوليستى ساپالى ينتەرنەتپەن قامتاماسىز ەتۋ – بۇگىنگى كۇننىڭ باستى تالابى ەكەنىن جەتكىزىپ, سالالىق قالا اكىمىنىڭ ورىنباسارىنا ستراتەگيالىق جوسپاردىڭ ورىندالۋىن قاتاڭ باقىلاۋدى تاپسىردى.