شەتەلدىك ينتەرنەت-كومپانيالارعا سالىق تولەۋدى مىندەتتەۋ جايىندا ۇسىنىس بەرىلدى, - دەپ حابارلايدى Egemen.kz.
ماجىلىستە قارالىپ جاتقان زاڭ جوباسىندا قازاقستان ازاماتتارىنا قىزمەت كورسەتەتىن شەتەلدىك ينتەرنەت-كومپانيالارعا قۇن سالىعىن سالۋعا مۇمكىندىك بەرەتىن نورمالار ۇسىنىلدى.
"Google سالىعىن تولەۋشىلەر تەك شەتەلدىك ينتەرنەت-كومپانيالارعا قاتىستى. زاڭدى جانە جەكە تۇلعالار بۇل نورماعا كىرمەيدى", - دەدى ءماجىلىس دەپۋتاتى فاحريددين قاراتاەۆ پالاتانىڭ پلەنارلىق وتىرىسىندا.
سونداي-اق ۇلتتىق ەكونوميكا ءمينيسترى رۋسلان دالەنوۆ اتالعان نورما شەتەلدىك ينتەرنەت-كومپانيالارعا عانا قاتىستى بولاتىنىن اتاپ ءوتتى.
"بۇل نورما قازاقستاندىق سالىق تولەۋشىلەرگە قولدانىلمايدى. نورما ينتەرنەت-كومپانيالاردىڭ ەسەپكە تۇرىپ, ققس تولەۋىنە ىقپال ەتەدى. بۇل حالىقارالىق ستاندارتتارعا سايكەس كەلەدى. شەتەلدىك ينتەرنەت-كومپانيالار وسى قىزمەتتەر مەن جۇمىستار بويىنشا ققس تولەۋگە دايىن, بىراق بىزدە مۇنداي نورما جوق بولدى. ەندى زاڭ جوباسى اياسىندا مۇنداي نورما ۇسىنىلادى. بيۋدجەتتىڭ كىرىس بولىگىنىڭ ۇلعايۋى بويىنشا, قىزمەت كورسەتۋ كولەمى ۇلكەن ەمەس بولعاندىقتان, ققس ەكى ميلليارد تەڭگە كولەمىندە باعالانادى. ەگەر كورسەتىلەتىن قىزمەت كولەمى وسەتىن بولسا, تيىسىنشە سالىق كولەمى دە ۇلعايادى. ءبىز ونى باقىلايتىن بولامىز", - دەدى دالەنوۆ.