ۇلتتىق ساراپتاما ورتالىعى بىرنەشە قالاداعى جەكە تۇلعالار اراسىندا اقىلى تەستىلەۋ وتكىزۋدى توقتاتتى – ورتالىق مەملەكەتتىك ەمحانالارمەن, اۋرۋحانالارمەن جۇمىس جاساۋدى جالعاستىرۋدا. بۇل تۋرالى ۇلتتىق ساراپتاما ورتالىعىنىڭ ەلورداداعى فيليالىنىڭ باسشىسى تالعات تۇڭعىشباەۆ مالىمدەدى, - دەپ جازادى Egemen.kz
"دەنى ساۋ ادامدار ورتالىقتارعا كوپتەپ بارا باستادى. بۇل دۇرىس ەمەس. وسىنداي ارەكەتتەر زەرتحانالارعا ۇلكەن جۇكتەمە بولۋدا. ءبىز جەكە تۇلعالار اراسىندا اقىلى پتر تەستىلەۋدى توقتاتۋعا شەشىم قابىلدادىق. ەمحانالارمەن جانە اۋرۋحانالارمەن جۇمىس جاساۋدى جالعاستىرامىز. ءبىز ولارعا باسا نازار اۋدارامىز. سەبەبى سيمپتومدارى بار ادامدار تەستتەردى جىلدام تاپسىرىپ, تەز ناتيجە الۋى كەرەك", دەدى تالعات تۇڭعىشباەۆ.
ينۆيۆو, وليمپ سياقتى زەرتحانالار سىيىمدىلىعىن ارتتىردى. ولار بۇرىنعى رەجيمدە, جەكە تۇلعالار ءۇشىن دە جۇمىس جاساۋدا. سونىمەن قاتار سيمپتومدارى بار ادامدارعا باعىتتالعان پتر تەستىلەۋدىڭ ءموبيلدى ورتالىقتارى ىسكە قوسىلدى.