ددۇ دەكسامەتازون ءوندىرىسىن ۇلعايتۋعا شاقىرادى

ينفەكتسيا سالدارىنان كۇنى بۇگىنگە دەيىن   477 مىڭنان استام ادام قايتىس بولدى. ددۇ بارلىق ەلدەردى حالىقتىڭ دەنساۋلىعى مەن ينفەكتسياعا قارسى شارالاردى ەكى ەسەگە ارتتىرۋعا شاقىرىپ وتىر.

بۇگىن  ۇيىمنىڭ باس ديرەكتورى تەدروس گەبرەيەسۋس بولعان ونلاين-بريفينگتە ولار كوروناۆيرۋستىڭ جاڭا پرەپاراتى - دەكسامەتازوننىڭ تيىمدىلىگىن باعالادى, . COVID-19-مەن اۋىر ناۋقاستاردىڭ ءومىرىن ساقتاپ قالۋعا بولاتىنىن ايتتى. بۇعان سوڭعى زەرتتەۋلەر نەگىز بەرەدى ەكەن.

"كەلەسى مىندەت - ءوندىرىستى ۇلعايتۋ جانە بۇكىل الەمدە دەكسامەتازوننىڭ تەز جانە تەڭ مولشەردە تارالۋى, ەڭ قاجەت جەرلەرگە نازار اۋدارۋ", - دەيدى ول.

سوڭعى 24 ساعات ىشىندە الەمدە كوروناۆيرۋستىڭ رەكوردتىق سانى تىركەلدى. ددۇ مالىمەتتەرى بويىنشا, 183 مىڭ ادام جۇقتىرعان, ولاردىڭ 50 مىڭى - برازيليا تۇرعىندارى. لاتىن امەريكاسىندا ەڭ مازاسىز جاعدايلاردىڭ ءبىرى. انتي-رەكورد مەكسيكادا تىركەلدى. ءبىر كۇندە ەلدە COVID-19 سالدارىنان 1000-نان استام ادام قايتىس بولدى. بۇل الەمدەگى پاندەميا باستالعاننان بەرى پنەۆمونيانىڭ جاڭا تۇرىنەن بولاتىن ءولىم-ءجىتىمنىڭ ەڭ جوعارى كورسەتكىشى. وسىلايشا, ءبىر كۇندە ءولىمنىڭ وسۋىنە سايكەس, ەل برازيليا مەن اقش-تى باسىپ وزدى. مەكسيكادا كارانتيندىك شارالار جاقىندا عانا السىرەدى, دۇكەندەر مەن كاسىپورىندار قايتا اشىلدى. ەندى ستاتيستيكانى كورگەن تۇرعىندار باياعى دۇكەندەر جابىلىپ, ەسىك-تەرەزە وقشاۋلانعان كۇندەر قايتا ورالادى دەپ قاۋىپتەنەدى.

دەكسامەتازون پرەپاراتىنىڭ اۋرۋ كەزىندە اۋىر COVID-19 بار ناۋقاستاردى ەمدەۋدەگى تيىمدىلىگى بۇكىل الەمدە پرەپاراتقا سۇرانىستىڭ ارتۋىنا اكەلدى.

"ەندى ءوندىرىس كولەمىن كوبەيتۋ جانە جەتىسپەيتىن جەرلەرگە قالاي جەتكىزۋ كەرەك دەگەن سۇراق تۋىندادى", - دەدى ددۇ باسشىسى تەدروس گەبرەيەسۋس.

بىرىنشىدەن, ددۇ اۋىر ناۋقاستار سانى كوپ ەلدەردى ءدارى-دارمەكپەن قامتاماسىز ەتەدى. الايدا, دۇنيەجۇزىلىك دەنساۋلىق ساقتاۋ ۇيىمى ەسكەرتكەن ماڭىزدى ماسەلە, دەكسامەتازون COVID-19 ءۇشىن پاناتسەيا ەمەس جانە دۇرىس قولدانىلماعان جاعدايدا زيان كەلتىرۋى مۇمكىن.

"بىزدە پرەپاراتتىڭ اۋرۋدىڭ جەڭىل تۇرلەرىن ەمدەۋگە نەمەسە اسقىنۋلاردىڭ الدىن الۋعا تيىمدىلىگى تۋرالى مالىمەتتەر جوق", - دەپ اتاپ كورسەتتى ددۇ باس ديرەكتورى.