وبلىستىق مادەنيەت باسقارماسىنىڭ مالىمەتىنشە, مارافون شارتى بويىنشا قاتىسۋشىلار 40 كۇندە 175 شاقىرىم جۇگىرىپ ءوتۋى ءتيىس, - دەپ جازادى Egemen.kz
باسقارما مەن بىرگە Ertis Runners كلۋبى بىرلەسىپ وتكىزەتىن مارافوننىڭ باستى شارتى – 1 شىلدە مەن 10 تامىز ارالىعىندا 175 شاقىرىم جۇگىرۋ.
ياعني, كەز كەلگەن ادام قاتىسا الادى. ءتىپتى,اۋىلدىق جەرلەردەگى ادامداردىڭ دا قاتىسۋىنا مۇمكىندىك بار.
ونلاين مارافونعا قاتىسۋ ءۇشىن 1000 تەڭگە تولەنۋى ءتيىس. قازىرگى ۋاقىتتا مارافونعا 40-قا جۋىق ادام تىركەلگەن.
قاتىسۋ ءۇشىن ءوتىنىشتى WhatsApp ارقىلى (87054003441 نومىرىنە) جولداۋعا بولادى.
قاي جەردە, ءبىر كۇندە قانشا شاقىرىم جۇگىرەتىنىن وزدەرى بىلەدى. قانشا قاشىقتىق جۇگىرگەندەرى تۋرالى Whatsapp ارقىلى جىبەرىلەدى.
كلۋب مۇشەلەرى دەرەكتەردى ارنايى باعدارلامادا تىركەيدى.
ال, جەڭىمپازدار 3 نوميناتسيا بويىنشا ماراپاتقا يە بولادى.
"مارافونشىلار اراسىنان "ەڭ جىلدام", "الەۋمەتتىك جەلىدەگى ەڭ بەلسەندى" نوميناتسيالارى بويىنشا سىيلىقتار بار. ءۇشىنشى نوميناتسيا الداعى ۋاقىتتا جاريالانادى. قاتىسۋشىلارعا كىتاپتار سىيعا تارتىلىپ, بەلسەندىلەرگە ارنايى سىيلىقتار بەرىلەدى, - دەيدى كلۋب مۇشەلەرى.
پاۆلودار وبلىسى