UFC ۇيىمىندا ونەر كورسەتەتىن وتانداسىمىز ماريا اگاپوۆانىڭ ەكىنشى كەزدەسۋى قاشان جانە قارسىلاسى كىم بولاتىنى بەلگىلى بولدى, دەپ حابارلايدى Egemen.kz.
قازاقستاندىق سپورتشى ەكىنشى كەزدەسۋىن 22-تامىزدا وتكىزەدى. ال ونىڭ قارسىلاسى شانا دوبسون بولادى. بىراق كەزدەسۋدىڭ قاي جەردە وتەتىنى ءالى انىقتالعان جوق.
اگاپوۆا ءوزىنىڭ ءبىرىنشى جەكپە-جەگىن 14-ماۋسىم كۇنى لاس-ۆەگاس قالاسىندا UFC Fight Night 172 تۋرنيرىندە وتكىزىپ, امەريكالىق ارۋ حاننا سايفەرستەن ۇستەم ءتۇستى. بۇل UFC ۇيىمىنداعى قازاق سپورتشىسىنىڭ ءبىرىنشى جەڭىسى بولىپ تىركەلدى.
كەزدەسۋدەن كەيىن ماريا بىردەن شانا دوبسوندى جەكپە-جەككە شاقىرتتى. كوپ ۇزاتپاي 31 جاستاعى دوبسون كەزدەسۋدى قابىل الىپتى.